বঙাইগাঁৱত পথ দুৰ্ঘটনাত আহত দুজন

আৰক্ষী এতিয়ালৈ উদ্ধাৰ কৰিবলৈ সক্ষম হোৱা নাই আহত চালকসহ আনজন লোকৰ পৰিচয় ।

বঙাইগাঁও, ৩১ মে' : বঙাইগাঁও জিলাৰ গৰাইমাৰীত দেওবাৰে পুৱা সংঘটিত হয় ভয়াৱহ পথ দূৰ্ঘটনা । দূৰ্ঘটনা গুৰুতৰভাৱে আহত হয় দুজন ।

বঙাইগাঁও জিলাৰ বিজনী মহকুমাৰ অন্তৰ্গত ৩১নং ৰাষ্ট্ৰীয় ঘাইপথৰ গৰাইমাৰীত এখন গাড়ী কঢ়িয়াই নিয়া বাহনৰ সৈতে পাচলি কঢ়িয়াই অনা ব'লেৰ পিক আপ ভেনৰ মুখামুখি সংঘৰ্ষ হয় । এই ঘটনাত ব'লেৰ পিক আপ ভেনৰ চালকসহ গুৰুতৰভাৱে আহত হয় আন এজন লোক । দূৰ্ঘটনাস্থলিত উপস্থিত লোকে ততালিকে ব'লেৰ পিক আপ ভেনৰ চালকজনক বঙাইগাঁৱৰ ব্যক্তিগত চিকিৎসালয়ত ভৰ্তি কৰে ।

উল্লেখ্য যে, দূৰ্ঘটনাগ্ৰস্ত ব'লেৰ পিক আপ ভেনৰ নম্বৰত WB-91-3286 । আৰক্ষী গুৰুতৰভাৱে আহত চালকসহ আনজন লোকৰ পৰিচয় এতিয়ালৈ উদ্ধাৰ কৰিবলৈ সক্ষম হোৱা নাই ।