Smart meter of APDCL: হেকাৰৰ কৱলত পৰিব পাৰে বিদ্যুৎ বিভাগৰ স্মাৰ্ট মিটাৰ

বঙাইগাঁৱত বিদ্যুৎ বিভাগৰ স্মাৰ্ট মিটাৰ অন কেমেৰা হেক কৰি দেখুৱালে দুই যুৱকে (Smart meter of APDCL may be hacked) । হেকাৰৰ কৱলত পৰি বিদ্যুতৰ বিল বঢ়াৰ শংকা প্ৰকাশ কৰিছে দুই যুৱকে । দুই যুৱকে প্ৰস্তুত কৰা এই ভিডিঅ'ই চিন্তিত কৰি তুলিছে সাধাৰণ জনতাক ।

বঙাইগাঁও, ৯ মে': বিদ্যুৎ বিলৰ বিসংগতি দূৰ কৰাৰ উদ্দেশ্যৰে ৰাজ্য চৰকাৰ তথা বিদ্যুৎ বিভাগে ৰাজ্যৰ বিভিন্ন প্ৰান্তত স্থাপন কৰে স্মাৰ্ট মিটাৰ (Smart Electricity Meters in Assam) । পিছে স্মাৰ্ট মিটাৰে বিপদ মাতিব পাৰে গ্ৰাহকলৈ (Smart meter of APDCL) । হেক হ'ব পাৰে বিদ্যুৎ বিভাগে আপোনাৰ ঘৰত নতুনকৈ স্থাপন কৰা স্মাৰ্ট মিটাৰটো (Smart meter of APDCL may be hacked) । যাৰ ফলত অত্যাধিকভাৱে পৰিশোধ কৰিবলগীয়া হ'ব পাৰে বিদ্যুৎ বিল ।

বঙাইগাঁৱৰ যুৱক ৰণী দাস আৰু আদিত্য সিং নামৰ দুই প্ৰফেচনেল চাইবাৰ চিকিউৰিটি এক্সপাৰ্টে কেমেৰাৰ সন্মুখত হেক কৰি দেখুৱালে বৰ্তমানৰ বহু চৰ্চিত বিদ্যুৎ বিভাগৰ স্মাৰ্ট মিটাৰ । বিদ্যুৎ বিভাগৰ স্মাৰ্ট মিটাৰ কিমান স্মাৰ্ট তেওঁলোকে প্ৰকাশ কৰা ভিডিঅ'টোৰ জৰিয়তেই বুজিব পাৰিব আপুনি । কেইটামান কম্পিউটাৰৰ ক'ড টাইপ কৰি চাইবাৰ চিকিউৰিটি এক্সপাৰ্ট ৰণী দাসে সুমুৱাই দিব পাৰে নিজৰ বিদ্যুতৰ একাউণ্টত ধন ।

লগতে পঢ়ক:Road accident at Maligaon : মালিগাঁৱত সেনাবাহিনীৰ বাহনৰ খুন্দাত নিহত ছাত্ৰী

বিদ্যুৎ বিভাগৰ স্মাৰ্ট মিটাৰৰ নিৰাপত্তাৰ বৃহৎ সুৰুঙা উদঙাই দিলে বঙাইগাঁৱৰ তৰুণ চাইবাৰ চিকিউৰিটি এক্সপাৰ্ট (Cyber Security Expert) ৰণী দাস আৰু আদিত্য সিঙে । এই হেকিং মাধ্যমেৰে হয়তু গ্ৰাহকে গোটেই জীৱন বিনামূল্যে বিদ্যুৎ সেৱা ব্যৱহাৰ কৰিব পাৰে । পিছে কোনো অসৎ উদ্দেশ্যলৈ এই হেক কৰা নাই যুৱক দুজনে ।

বিদ্যুৎ বিভাগৰ ভুল দেখুৱাই দিয়াৰ লক্ষ্যৰে কৰিছে এই হেক আৰু দেখুৱাই দিলে প্ৰত্যেক দিনাই লাখ লাখ জনতাৰ গোপনীয় তথ্যলৈ কিদৰে হেতালি খেলি আছে মন্ত্ৰী নন্দিতা গাৰ্লচাৰ বিদ্যুৎ বিভাগে । প্ৰায় এক বছৰ আগতে ৰণী দাসে গুগলৰো নিৰাপত্তাৰ সুৰুঙা দেখুৱাই দিছিল গুগলক আৰু গুগলৰ পৰা সন্মান অৰ্জন কৰিবলৈ সক্ষম হৈছিল বঙাইগাঁৱৰ এই প্ৰফেচনেল চাইবাৰ চিকিউৰিটি এক্সপাৰ্টগৰাকীয়ে ।

লগতে পঢ়ক:Kalgachia kidneping case : দুই শিশুৱে ৰচিছিল অপহৰণৰ নাটক !