বঙাইগাঁও,25 এপ্ৰিল: দেওবাৰে পুৱা বঙাইগাঁও জিলাৰ লেংটিছিঙাত সংঘটিত হৈছে এক শোকাৱহ পথ দুৰ্ঘটনা । ২নং ৰাজ্যিক ঘাইপথত যাত্ৰীবাহী এখন মেজিক বাহনে মহতিয়াই নিয়ে 5 গৰাকী পথচাৰীক । এই দুৰ্ঘটনাত থিতাতে নিহত হয় 2 জন যাত্ৰী আৰু গুৰুতৰভাৱে আহত হয় 3 গৰাকী পথচাৰী ৷
প্ৰাপ্ত তথ্য অনুসৰি, নিহত লোককেইজন হৈছে আখতাৰ হুছেইন আৰু আব্দুল কালাম ৷ আহত কেইগৰাকী হৈছে শ্বেখ ছৈয়দ আহমেদ, আব্দুৰ ৰছিদ আৰু আব্দুল খালেক । ইয়াৰে আব্দুল খালেক লেংটিছিঙা ৰাজীৱ গান্ধী কলেজৰ উপাধ্যক্ষ বুলি চিনাক্ত কৰা হৈছে ।