বঙাইগাঁও,20 ছেপ্তেম্বৰ: বঙাইগাঁও জিলাৰ সৃজনগ্ৰাম প্ৰাথমিক শিক্ষা খণ্ডৰ অন্তৰ্গত পূব ঘোৰাঁমাৰা প্ৰাথমিক বিদ্যালয়ৰ প্ৰধান শিক্ষক ছলেমান হুছেইনৰ বিৰুদ্ধে একাংশ ছাত্ৰ-ছাত্ৰীৰ লগতে অভিভাৱকৰ প্ৰতিবাদ ৷ বিদ্যালয়ৰ সন্মুখত এই প্ৰতিবাদ সাব্যস্ত কৰে ছাত্ৰ ছাত্ৰী সকলৰ লগতে প্ৰতিবাদকাৰী সকলে ৷
উল্লেখ যে, প্ৰধান শিক্ষকজনে নিজ মইমতালিৰে তথা পৰিচালনা সমিতিৰ অনুমতি অবিহনে বিদ্যালয়ৰ প্ৰত্যেকটো সা-সামগ্ৰী নিজ ঘৰত ৰাখি মধ্যাহ্ন ভোজনৰ চাউল ক'লা বজাৰত বিক্ৰী কৰাৰ অভিযোগ উত্থাপিত হৈছে ৷ প্ৰধান শিক্ষক গৰাকীৰ বিৰুদ্ধে ছাত্ৰ-ছাত্ৰীৰ ইউনিফৰ্ম, মধ্যাহ্ন ভোজনৰ চাউলৰ লগতে বিভিন্ন কামত ধন আত্মসাৎ কৰি পৰ্বত-সম দুৰ্নীতিৰে পাহাৰ গঢ়াৰ অভিযোগ উত্থাপন কৰিছে ৰাইজে ৷