চিৰাং, 21 অক্টোবৰ : বঙাইগাঁও অসামৰিক চিকিৎসালয়ৰ ক’ভিড ৱাৰ্ডত বিহু নৃত্যত মগন হ’ল কৰ্তব্যৰত নাৰ্চ আৰু ৰোগী ৷ নিজৰ দায়িত্ব পালন কৰাৰ লগতে নাৰ্চসকলে এইদৰে ক’ভিড ৰোগীৰ মানসিক অৱস্থাৰো যতন লৈ মহামাৰী কৰোণা কালত মানৱ সেৱাৰ উৎকৃষ্ট নিদৰ্শন দাঙি ধৰিছে ৷ যোৱা ১৪ তাৰিখে কৰ’ণা আক্ৰান্ত হৈ চিকিৎসাধীন হৈ থাকি মানসিকভাৱে ভাগি পৰা এগৰাকী আইতাৰ লগত বুধবাৰে পিপি কিট পিন্ধিয়ে বিহু আৰু গোৱালপৰীয়া নৃত্য কৰিলে নাৰ্চ সকলে ৷
ক’ভিড ৱাৰ্ডত বৃদ্ধাৰ সৈতে বিহু নৃত্যত মগন হ’ল নাৰ্চ
উল্লেখযোগ্য যে বঙাইগাঁও অসামৰিক চিকিৎসালয়ৰ ক’ভিড ৱাৰ্ডত দায়িত্বৰত জেষ্ঠ নাৰ্চ দ্বীপ্তি সৰকাৰে বিগত ছমাহ ধৰি নিজৰ পৰিয়ালৰ পৰা আঁতৰত থাকি ক’ভিড-১৯ৰ দায়িত্ব পালন কৰি আছে ৷ তেনেদৰে দায়িত্ব পালন কৰিছে গীতাশ্ৰী চেতিয়া,চুইটী ৰাউত, মৃণাল দাস আদিয়ে ৷