মানিকপুৰত চোৰাং কাঠ ভৰ্তি ট্ৰাক জব্দ

শুকুৰবাৰে মানিকপুৰত গেৰুকাবাৰী আৰক্ষীয়ে জব্দ কৰে 10 লাখ টকাৰ চেগুন কাঠ

মানিকপুৰ,29 জুনঃ বঙাইগাঁও জিলাৰ গেৰুকাবাৰী আৰক্ষী নিৰীক্ষণ চকীৰ অন্তৰ্গত গেৰুকাবাৰীত এখন অবৈধ কাঠ ভৰ্তি ট্ৰাক আৰক্ষীয়ে জব্দ কৰে । জব্দকৃত ট্ৰাক খনৰ নম্বৰ AT 26 TD 5409 । উক্ত কাঠৰ গাড়ী খন ডিমাপুৰৰ পৰা শিলিগুৰিলৈ গৈ থকা অৱস্থাত গেৰুকাবাৰীৰ 31 নং ৰাষ্ট্ৰীয় ঘাইপথৰ কাষতে থকা গুৰুনানক নামৰ লাইন হোটেলত ৰখিছিল । সেই সময়তে গেৰুকাবাৰী নিৰীক্ষণ চকীৰ ভাৰপ্ৰাপ্ত বিষয়া শ্ৰীনৱজ্যোতি ৰায়ে এক বিশেষ সূত্ৰৰ পম খেদি গাড়ীখন আটক কৰিবলৈ সক্ষম হয় । পৰৱৰ্তী সময়ত আটকাধীন ট্ৰাক খন মাণিকপুৰ আৰক্ষী থানালৈ আনি ধাৰা নং 160/19/ under section 420/379/44/34 IPC ধাৰাত এক গোচৰ ৰুজু কৰি কাঠসহ ট্ৰাকখন আৰক্ষীয়ে জিম্মাত ৰাখে । ট্ৰাকখনত বনচুম আৰু চেগুন কাঠ আছে ।