ট্ৰেক্টৰ চালকৰ ওপৰত দাদাগিৰী দেখুওৱা কোন এই লোকমান ?

প্ৰতি বিঘা মাটিত হাল মৰাৰ বাবদ 50 টকাকৈ ধন সংগ্ৰহ কৰা বঙাইগাঁও জিলাৰ গোৱালপাৰাৰ লোকমান হুছেইনৰ বিৰুদ্ধে গোচৰ ৷ শনিবাৰে ছানিদুল ইছলাম নামৰ চালক জনক প্ৰহাৰৰ পাচতে কোকিলা থানা এজাহাৰ দাখিল কৰে ছানিদুল ইছলামৰ পিতৃয়ে ৷

বঙাইগাঁও,11 এপ্ৰিল :বঙাইগাঁও জিলাৰ কোকিলা আৰক্ষী চকীৰ অন্তৰ্গত গোৱালপাৰাত প্ৰচণ্ড মাৰপিটৰ ঘটনা ৷ ঘটনা অনুসৰি, অঞ্চলটোৰ লোকমান হুছেইন নামৰ লোক এজনে ট্ৰেক্টৰ চালক সকলৰ পৰা দাবী ধমকিৰে দীৰ্ঘদিনৰ পৰা প্ৰতি বিঘা মাটিত হাল মৰাৰ বাবদ 50 টকাকৈ টকা সংগ্ৰহ কৰি অহাৰ অভিযোগ উত্থাপন হৈছে ৷ শনিবাৰে ছানিদুল ইছলাম নামৰ চালক জনে ধন দিবলৈ অমান্তি হোৱাত লোকমান হুছেইন নামৰ লোকজনে মাৰপিট কৰাৰ লগতে চোঁচৰাই ঘৰলৈ লৈ গৈ চোকা অস্ত্ৰৰে আঘাত কৰাৰ চেষ্টা চলোৱাৰো অভিযোগ উত্থাপন হৈছে ৷

স্থানীয় লোকে লোকমানৰ ঘৰৰ পৰা ছানিদুল ইছলামক উদ্ধাৰ কৰাৰ পাচতে লোকমানৰ পৰিয়ালে ছানিদুলৰ পৰিয়ালৰ ওপৰত জঁপিয়াই পৰে ৷ লোকমানৰ পৰিয়ালৰ প্ৰহাৰত মহিলাসহ পাঁচজন কৈ লোক গুৰুতৰ ভাৱে আহত হয় ৷ আহত সকলক কলগাছিয়া চিকিৎসালয়ত ভৰ্তি কৰোৱাৰ লগতে ছানিদুলৰ পিতৃয়ে ৰয়হান আলী, লোকমান হুছেইন, আব্দুল লতিফ, ছোৰহাব আলী আৰু ৰাজিবুল ইছলামৰ বিৰুদ্ধে কোকিলা থানা এজাহাৰ দাখিল কৰে ৷

লগতে পঢ়ক:প্ৰচণ্ড ধুমুহাই তচনচ কৰিলে ৰঙিয়াৰ বহুকেইখন গাঁও