Awerness Rally at Manikpur: মাণিকপুৰত হৰ ঘৰ ত্ৰিৰংগা অভিযানৰ সজাগতা সমদল

ভাৰতৰ স্বাধীনতাৰ ৭৫ বছৰ সম্পূৰ্ণ(75th years of Independence of India) হোৱা উপলক্ষে 'আজাদী কা অমৃত মহোৎসৱ'ৰ(Azadi Ka Amrit Mahotsav) লগত সংগতি ৰাখি দেশত চলি থকা 'ঘৰে-ঘৰে ত্ৰিৰংগা’ অভিযানে(Har Ghar Tiranga Abhiyan) অসমতো এক গতি লাভ কৰিছে । মাণিকপুৰত উলিওৱা হ'ল সজাগতা সমদল ।

মাণিকপুৰ,৭ আগষ্ট: ভাৰতৰ স্বাধীনতাৰ ৭৫তম বৰ্ষ উপলক্ষে(75th years of Independence of India) কেন্দ্ৰীয় চৰকাৰৰ উদ্যোগত উদযাপন কৰা "আজাদী কা অমৃত মহোৎসৱ"ৰ (Azadi Ka Amrit Mahotsav) লগত সংগতি ৰাখি সকলোৰে ঘৰে ঘৰে ত্ৰিৰংগা উৰুৱাৰ বাবে দেশৰ প্ৰধান মন্ত্ৰী নৰেন্দ্ৰ মোদী আৰু অসমৰ মুখ্যমন্ত্ৰী ড° হিমন্ত বিশ্ব শৰ্মাই জনাইছিল আহ্বান । সেই আহ্বানক সহাৰি জনাই মাণিকৰপুৰত বিশেষ পদক্ষেপ ।

ঘৰে ঘৰে ত্ৰিৰংগা’ কাৰ্যসূচী সফল কৰাৰ উদ্দেশ্যে বঙাইগাঁও জিলাৰ মাণিকপুৰ উন্নয়ন খণ্ডৰ উদ্যোগত আৰু চি এল এফৰ সহযোগত লগতে মহিলা আত্মসহায়ক গোট সমূহে ব্যপক তৎপৰতা গ্ৰহণ কৰা পৰিলক্ষিত হৈছে । কেন্দ্ৰীয় চৰকাৰে ১৩ আগষ্টৰ পৰা ১৫ আগষ্টলৈ প্ৰতিটো বাসগৃহতে জাতীয় পতাকা উৰুৱাবলৈ আহ্বান জনাইছিল ।

সেই আহ্বানক সঁহাৰি জনাই জনসাধাৰণক সজাগ কৰিবলৈ মাণিকপুৰ উন্নয়ন খণ্ডৰ উদ্যোগত মাণিকপুৰৰ চাৰিটা CLFৰ সহযোগত মহিলা সকলে হাতে হাতে পতাকা লৈ মাণিকপুৰ উন্নয়ন খণ্ডৰ চৌহদৰ পৰা আৰম্ভ কৰি, চকিহালী, নোৱাগাও, অদলাগুৰী, বেছিমাৰী, শামকামাৰী আৰু নোৱাপাৰা হৈ বৃহত্তৰ মাণিকপুৰ অঞ্চলত শোভাযাত্ৰা কৰি ৰাইজৰ দৃষ্টি আকৰ্ষণ কৰে । শোভাযাত্ৰা কাৰ্যসূচীত অংশগ্ৰহণ কৰা মহিলা সকলে আজাদি কা অমৃত মহোৎসৱ, ঘৰে ঘৰে পতাকা উত্তোলন কৰক আদি ধ্বনিৰে সমগ্ৰ অঞ্চল মুখৰিত কৰি তোলে ।

লগতে পঢ়ক:New Education System: কেবিনেটৰ শৈক্ষিক সিদ্ধান্তৰ বিৰোধিতা বড়ো সাহিত্য সভা-নিখিল বড়ো ছাত্ৰ সন্থাৰ