অভয়াপুৰীত গৰু বিহু পালন

অভয়াপুৰীৰ চৌতাকীবাসীয়ে কুজীয়া নৈত পালন কৰিলে গৰু বিহু

অভয়াপুৰী, 14এপ্ৰিলঃ লাও খা, বেঙেনা খা

বছৰে বছৰে বাঢ়ি যা

মা সৰু, বাপেৰ সৰু

তই হবি বৰ গৰু

অসমীয়াৰ বাপোতি সাহোন ৰঙালী বিহুত মতলীয়া ৰাজ্যবাসী ৷ ৰাজ্যৰ ভিন্ন প্ৰান্তৰ সমান্তৰালকৈ দেওবাৰে অভয়াপুৰীৰ চৌতাকীতো পালন কৰা হয় গৰু বিহু ৷ অভয়াপুৰীৰ শিশু,ডেকাৰ পৰা আৰম্ভ কৰি সকলোৱে নৈৰ ঘাটলৈ উলাই আহে নিজৰ গৰু-গাইক মাহ-হালধিৰে নোৱাবলৈ ৷

উল্লেখযোগ্য যে, কৃষিজীৱি সমাজখনত গৰুৱে চিৰকালেই এক বিশেষ স্থান অধিকাৰ কৰি আহিছে, সেয়েহে গো-সম্পদৰ প্ৰতি সন্মান জনাই কৃষক ৰাইজে ব’হাগ বিহু পালন কৰোতে প্ৰথমে গৰু বিহু পালন কৰাৰ এক পৰম্পৰাগত নিয়ম আছে ৷ যাৰ বাবে কুজীয়া নৈৰ পাৰলৈ চৌতাকীৰ সমগ্ৰ ৰাইজ ওলাই আহি পালন কৰে গৰু বিহু ৷