অভয়াপুৰী, 7 জুলাই :বঙাইগাঁও জিলাৰ নাৰাৰভিটাত মঙলবাৰে আৰক্ষীয়ে অভিযান চলাই বৃহৎ পৰিমাণৰ গাঞ্জা (Ganja)সহ এজনক আটক কৰে । আৰক্ষীয়ে আটক কৰা লোকজন আলতাপ হুছেইন বুলি জানিব পৰা হৈছে ৷ কোকিলা আৰু গেৰুকাবাৰী আৰক্ষীয়ে অভিযান চলাই আটক কৰে লোকজনক ৷ আলতাপ হুছেইনৰ পৰা আৰক্ষীয়ে প্ৰায় ২১ কেজি ২০০ গ্ৰাম গাঞ্জা (Ganja) জব্দ কৰে ৷
কোকিলা আৰু গেৰুকাবাৰী আৰক্ষীয়ে গোপন সূত্ৰৰ তথ্যৰ ভিত্তিত আলতাপ হুছেইনৰ ঘৰত অভিযান চলাই গাঞ্জা (Ganja)খিনি জব্দ কৰে । আলতাপ হুছেইনে দীৰ্ঘদিন ধৰি নিজ ঘৰৰ পৰাই গাঞ্জা (Ganja)ৰ অবৈধ ব্যৱসায় চলাই অহাৰ অভিযোগ উত্থাপন হৈছে । আৰক্ষীয়ে গাঞ্জা (Ganja)খিনি জব্দ কৰাৰ লগতে আলতাপ হুছেইনকো আটক কৰে ।