উত্তৰ অভায়াপুৰীত বানৰ সংহাৰী ৰূপ

আন সমূহ জিলাৰ সমান্তৰালকৈ বানৰ কৱলত পৰি দিশহাৰা হৈছে বঙাইগাঁও জিলাৰ উত্তৰ অভায়াপুৰী সমষ্টিৰ শ শ পৰিয়াল ৷

উত্তৰ অভয়াপুৰী, 19 জুলাই: ৰাজ্যত ভয়াৱহ ৰূপ ধাৰণ কৰিছে বাৰিষাৰ বানে ৷ বৰ্তমানলৈকে 28 খন জিলাৰ প্ৰায় 3 লাখৰো অধিক লোক বানৰ কৱলত পৰিছে বুলি তথ্য প্ৰকাশ কৰিছে চৰকাৰে ৷ বানাক্ৰান্ত আন সমূহ জিলাৰ সমান্তৰালকৈ বানৰ কৱলত পৰি দিশহাৰা হৈছে বঙাইগাঁও জিলাৰ উত্তৰ অভায়াপুৰী সমষ্টিৰ শ শ পৰিয়াল ৷ জিলাখনত আই নদীৰ বাঢ়নী পানীয়ে সৃষ্টি কৰা বান বিভীষিকাৰ বাবে সৰ্বহাৰা হৈ পৰিছে পৰিছে প্ৰায় শতাধিক পৰিয়াল ৷

উল্লেখ্য যে, বিধ্বংসী আই নদীয়ে গতি সলনি কৰাত গৰাখহনীয়াৰ কবলত পৰি সৰ্বহাৰা হৈছে মানিকপুৰ ৰাজহ চক্ৰৰ অন্তৰ্গত ভাণ্ডাৰা গাঁৱৰ বহু পৰিয়াল ৷ ক্ষতিগ্ৰস্ত পৰিয়াল সমূহক ক্ষতিপূৰণ দিয়াৰ লগতে গৰাখহনীয়া ৰোধৰ ব্যৱস্থা কৰিবলৈ চৰকাৰ আৰু প্ৰশাসনক দাবী জনাইছে বিভিন্ন দল-সংগঠনৰ লগতে বানাক্ৰান্ত ৰাইজে ৷

লগতে পঢ়কঃ অসমৰ বান পৰিস্থিতিক লৈ উদ্বিগ্ন আৰ্চেনাল