বঙাইগাঁও,7 মে’ঃবঙাইগাঁৱৰ স্বাস্থ্য বিভাগৰ নিদ্ৰা হৰণ কৰিছে এজন লোকে ৷ জিলাখনত Covid 19 ত আক্ৰান্ত 5 জন লোক চিনাক্ত হোৱাৰ পিছত স্থানীয় স্বাস্থ্য বিভাগে সুৰক্ষাৰ ক্ষেত্ৰত কোনো ক্ৰটি এৰা নাই ৷ কিন্তু সম্প্ৰতি জিলাখনৰ কুমুদ নামৰ এজন লোকক বিচাৰি অভিযান অব্যাহত ৰাখিছে প্ৰশাসনৰ উপৰিও স্বাস্থ্য বিভাগে ৷ ঘটনাৰ বিৱৰণী অনুসৰি, বিগত কিছুদিনপূৰ্বে কুমুদ নামৰ এজন লোকে বঙাইগাঁও অসামৰিক চিকিৎসালয়ত স্বাস্থ্য পৰীক্ষা কৰিছিল ৷ ব্যক্তিজনৰ সাধাৰণ চৰ্দি, কাহ হোৱাৰ বাবে কৰা স্বাস্থ্য পৰীক্ষাত কিছু বিসংগতি ধৰা পৰাৰ কথা প্ৰকাশ পায় ৷ ইয়াক লৈ অধিক সষ্টম হৈ পৰিছে জিলা প্ৰশাসন আৰু স্থানীয় স্বাস্থ্য বিভাগ ৷ ইতিমধ্যে স্বাস্থ্য বিভাগৰ কৰ্মচাৰীসকলে একে নামৰ অন্য চাৰিজন লোকক মাতি আনি সোধ-পোচ কৰে যদিও প্ৰকৃত লোকজনক বৰ্তমানলৈকে চিনাক্ত কৰিব পৰা নাই ৷
কুমুদৰ সন্ধানত প্ৰশাসন