বঙাইগাঁও,8 মে’: বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত মানাহ নদীৰ দলঙৰ তলত উদ্ধাৰ এগৰাকী অচিনাক্ত লোকৰ মৃতদেহ ৷ মৃতদেহটো এডাল বগৰী গছত ওলমি থকা অৱস্থাত প্ৰত্যক্ষ কৰে এজন লোকে ৷ লোকজনে ততাতৈয়াকৈ আৰক্ষী আৰু অঞ্চলবাসীক এই বিষয়ে অৱগত কৰে ৷
মাণিকপুৰত অচিনাক্ত লোকৰ মৃতদেহ উদ্ধাৰ পৰৱৰ্তী সময়ত ঘটনাস্থলীত মাণিকপুৰ আৰক্ষী উপস্থিত হৈ আৰম্ভ কৰে তদন্ত ৷ লগতে মৃতদেহটো মৰণোত্তৰ পৰীক্ষাৰ বাবে বঙাইগাঁৱলৈ প্ৰেৰণ কৰে ৷ আৰক্ষী তথা স্থানীয় ৰাইজে কোনো অচিনাক্ত দুৰ্বৃত্তই হত্যা কৰি মৃতদেহটো গছত বান্ধি থৈ যোৱাৰ সন্দেহ প্ৰকাশ কৰিছে ৷
লগতে পঢ়ক:নামতিত পশুধনক খুন্দিয়াই বিকল ৰে’লৰ ইঞ্জিন
