বঙাইগাঁও, 7 ডিচেম্বৰঃ বঙাইগাঁও জিলাৰ উত্তৰ অভয়াপুৰীত মৰণক শৰণ দি ভগা বাঁহৰ দলঙেৰে যাত্ৰা পথচাৰীৰ । বাৰিষা আহিলেই পাঠ গ্ৰহণৰ পৰা বঞ্চিত হয় অঞ্চলটোৰ স্কুলীয়া ছাত্ৰ-ছাত্ৰী ৷
বঙাইগাঁৱত মৰণক শৰণ দি ভগা বাঁহৰ দলঙেৰে যাত্ৰা ৰাইজৰঃ গুৰুত্ব নাই প্ৰশাসনৰ
বঙাইগাঁও জিলাৰ উত্তৰ অভয়াপুৰী সমষ্টিৰ পোকালাগী নদীৰ ওপৰত শৌলমাৰীত ৰাইজে দীৰ্ঘদিন ধৰি বিপদ সংকুলভাৱে বাঁহৰ সাঁকোৰে যাতায়ত অব্যাহত ৰাখিছে । স্থানীয় ৰাইজে প্ৰতিবছৰে নিজ খৰচত দুবাৰকৈ বাঁহৰ সাঁকো নিৰ্মাণ কৰি যাতায়ত কৰিবলগীয়া হৈছে। প্ৰায় ১৫-২০খন গাওঁৰ ৰাইজৰ লগতে ৮-১০ খন স্কুল-কলেজৰ ছাত্ৰ ছাত্ৰীয়ে নিতৌ অহাযোৱা কৰিব লগীয়া হৈছে এইখন জৰাজীৰ্ণ বাঁহৰ দলঙৰে ।