মাণিকপুৰ,28 মে’: বগা হাতীত পৰিণত বঙাইগাঁও জিলাৰ অভয়াপুৰী মেৰেৰচৰ আৰু ডুবাচুৰি গাঁৱৰ জলসিঞ্চন বিভাগৰ কোটি টকীয়া আঁচনি ৷ কোটি টকা খৰচ কৰি প্ৰায় 25 বছৰৰ আগতেই অসম চৰকাৰৰ কৃষি আৰু জনসিঞ্চন বিভাগে গাঁও দুখনত পানী যোগানৰ ব্যৱস্থা কৰিছিল । প্ৰায় 4-5 বছৰহে কাৰ্যক্ষম হৈ থাকিল এই আঁচনি ৷ তাৰ পাচৰ পৰাই কোটি টকীয়া আঁচনি বিকল লৈ পৰি ৰৈছে ৷ বৰ্তমানেও আঁচনিখন কাৰ্যক্ষম কৰিব নোৱাৰিলে চৰকাৰে ৷ এই অভিযোগ উত্থাপন কৰিছে গাঁও দুখনৰ গঞা ৰাইজে ৷
প্ৰহসনত পৰিণত অভয়াপুৰীৰ জলসিঞ্চন বিভাগৰ কৌটি টকীয়া আঁচনি
কোটি কোটি টকা খৰচ কৰি নিৰ্মাণ কৰা এই আচঁনিৰ যন্ত্ৰ-পাতি সমূহ বহু বছৰৰ পৰাই বিকল হৈ আছে ৷ আনকি যন্ত্ৰপাতি ৰখা ঘৰসমূহো জৰাজীৰ্ণ অৱস্থাত পৰি ৰৈছে ৷ কিন্তু এই লৈ কাণষাৰ নাই বিভাগীয় কৰ্তৃপক্ষৰ ৷ এফালে খৰাং বতৰ, নাই পথাৰত পানী ৷ খেতিয়কে শিচিব পৰা নাই শালি ধানৰ কঠিয়া ৷ যাৰ ফলত কৃষকসকল চৰম লোকচানৰ সন্মুখীন হ'ব লগাত পৰিছে ৷