বঙাইগাঁও,১৭ ছেপ্তেম্বৰ:আজি দেশৰ প্ৰধানমন্ত্ৰী নৰেন্দ্ৰ মোডীৰ জন্মদিন (PM Modi Birthday)। দেশজুৰি প্ৰধানমন্ত্ৰীগৰাকীৰ জন্মদিন পালন কৰা হৈছে । প্ৰধানমন্ত্ৰীগৰাকীৰ জন্মদিনত বিজেপি দলে বিভিন্ন কাৰ্যসূচী ৰূপায়ণ কৰিছে (BJP celebrates Modis birthday)।
আনহাতে কংগ্ৰেছ দলে আকৌ এই বিশেষ দিনটোত ব্যতিক্ৰমী প্ৰতিবাদ সাব্যস্ত কৰিছে । প্ৰধানমন্ত্ৰী মোডীৰ জন্মদিনটোক কংগ্ৰেছ দলে ৰাষ্ট্ৰীয় নিবনুৱা দিৱস হিচাপে পালন কৰিছে (Congress observed National Unemployment Day)। দেশৰ বাকী অংশৰ দৰে অসমৰো বিভিন্ন জিলাত কংগ্ৰেছ দলে ৰাষ্ট্ৰীয় নিবনুৱা দিৱস পালন কৰে ।
মোডীৰ ওপজাদিনত ৰাষ্ট্ৰীয় নিবনুৱা দিৱস পালন ৰাজ্যৰ বিভিন্ন প্ৰান্তৰ সমান্তৰালভাৱে বঙাইগাঁৱতো বঙাইগাঁও জিলা যুৱ কংগ্ৰেছ, সমষ্টি যুৱ কংগ্ৰেছ আৰু ব্লক যুৱ কংগ্ৰেছে পালন কৰিলে নিবনুৱা দিৱস(Youth congress observed National Unemployment Day) । শনিবাৰে ভাৰতীয় যুৱ কংগ্ৰেছ আৰু সমষ্টি যুৱ কংগ্ৰেছে অভয়াপুৰী ৰাজীৱ ভৱনৰ সন্মুখত পালন কৰে ৰাষ্ট্ৰীয় নিবনুৱা দিৱস । প্ৰধানমন্ত্ৰী নৰেন্দ্ৰ মোদীয়ে ২০১৪ চনৰ নিৰ্বাচনী প্ৰচাৰত দেশৰ দুই কোটি নিবনুৱাক চাকৰি দিয়াৰ প্ৰতিশ্ৰুতি দিছিল ।
কিন্তু কাৰ্যক্ষেত্ৰত সেয়া বাস্তৱ হৈ নুঠিল । নৰেন্দ্ৰ মোদীয়ে দেশৰ যুৱচামক ঠগিলে বুলি অভিযোগ উত্থাপন যুৱ কংগ্ৰেছৰ । উল্লেখযোগ্য যে যুৱ কংগ্ৰেছৰ সদস্যসকলে ৰাষ্ট্ৰীয় নিবনুৱা দিৱসৰ লগত সংগতি ৰাখি চাহ আৰু পকৰী বনাই প্ৰতিবাদ সাব্যস্ত কৰা পৰিলক্ষিত হয় ।
লগতে পঢ়ক:মোদীৰ জন্মদিন: অমৃত সৰোবৰৰ শুভাৰম্ভ কৰিলে ডাঃ ৰনোজ পেগুৱে
