চৰকাৰী ঘোষণাৰ পূৰ্বে বন্ধ ঘোষণা বিদ্যালয় কতৃপক্ষৰ

চিৰাঙত তিনিজন ক’ভিড আক্ৰান্ত । ইয়াৰ পিছতে বঙাইগাঁও শোধনাগাৰ কৰ্তৃপক্ষৰ গুৰুত্বপূৰ্ণ সিদ্ধান্ত । ক’ভিড-১৯ৰ দ্বিতীয় ঢৌৰ প্ৰতি লক্ষ্য কৰি BRPL উপনগৰত থকা ঢালিগাঁও দিল্লী পাব্লিক স্কুল আৰু বঙাইগাঁও শোধনাগাৰ উচ্চতৰ মাধ্যমিক বিদ্যালয়ৰ বন্ধ ঘোষণা কতৃপক্ষৰ ৷ আজিৰে পৰা ২০ এপ্ৰিললৈকে বন্ধৰ ঘোষণা বিদ্যালয় দুখন, অৱশ্যে চলি থাকিব অনলাইন ক্লাছ ৷ এই ঘোষণা কৰিছে বিদ্যালয় কতৃপক্ষই ।

চিৰাং, 8এপ্ৰিল: ৰাজ্যত পুনৰ আৰম্ভ হৈছে মহামাৰী ক’ৰ’নাৰ ভয়াহবতা ৷ ৰাজ্যত ক'ভিড-১৯ৰ সংক্ৰমণ বৃদ্ধি পোৱাৰ ফলত চৰকাৰী ঘোষণাৰ পূৰ্বেই চিৰাঙত শিক্ষানুষ্ঠান বন্ধৰ ঘোষণা বিদ্যালয় কতৃপক্ষৰ । ৰাজ্যত পুনৰ ক'ভিড-১৯ ৰ সংক্ৰমণৰ সংখ্যা বৃদ্ধি পোৱাৰ লগে লগে চিৰাং জিলাৰ ঢালিগাঁওস্থিত বঙাইগাঁও শোধনাগাৰৰ উপনগৰীৰ ভিতৰত থকা দুখনকৈ শিক্ষানুষ্ঠান বৃহস্পতিবাৰৰ পৰা বন্ধ ঘোষণা কৰে বিদ্যালয় কতৃপক্ষই ।

চৰকাৰী ঘোষণাৰ পূৰ্বে চৰকাৰী বিদ্যালয় বন্ধ ঘোষণা বিদ্যালয় কতৃপক্ষৰ

উল্লেখ্য যে, বঙাইগাওঁ শোধনাগাৰ উচ্চ মাধ্যমিক বিদ্যালয় আৰু দিল্লী প্লাব্লিক স্কুলৰ পাঠদান প্ৰক্ৰিয়া আজিৰ পৰা ২০ এপ্ৰিললৈকে আনুষ্ঠানিক ভাৱে বন্ধ বুলি ঘোষণা কৰিছে । মূলতঃ ৰাজ্যখনত ক্ৰমশঃ বৃদ্ধি পোৱা ক'ভিড-১৯ৰ সংক্ৰমণ ৰোধ কৰাৰ বাবে এই প্ৰদক্ষেপ গ্ৰহণ কৰাৰ কথা সদৰি কৰিছে বিদ্যালয় কৰ্তৃপক্ষই ।

এই সন্দৰ্ভত বঙাইগাওঁ শোধনাগাৰ উচ্চ মাধ্যমিক বিদ্যায়লৰ উপাধ্যক্ষ ভৱানন্দ নাথে সংবাদ মাধ্যমৰ আগত কয় যে, বিদ্যালয়ৰ শ্ৰেণীৰ পাঠদান বন্ধ থাকিলেও অন লাইন পাঠদান প্ৰক্ৰিয়া অব্যাহত থাকিব । চিৰাঙৰ ক’ভিড আক্ৰান্ত তিনিজন ক্ৰমে, বিজনী জৱাহৰ নবোদয় বিদ্যালয়ৰ এজন, বৰতালোৱাৰৰ টেম্প’চালক এজন আৰু বঙাইগাঁও শোধনাগাৰ উপনগৰীৰ এজন ব্যক্তি ।

লগতে পঢ়ক:ক'ভিড-১৯ঃ সোণাপুৰৰ LNIPE ক কন্টেইনমেন্ট জ'ন ঘোষণা