গেৰেজত মেৰামতি কৰি থাকোতেই গাড়ীত অগ্নিসংযোগ

গেৰেজতে মেৰামতি কৰি থাকোতে জ্বলি উঠিল গাড়ী

বঙাইগাঁও, 29 এপ্ৰিল: বঙাইগাঁও জিলাৰ গৰাইমাৰীত অঘটন । মেৰামতি কৰি থকা অৱস্থাত গেৰেজতে জ্বলি উঠিল এখন গাড়ীত । গৰাইমাৰীৰ ৩১ নং ৰাষ্ট্ৰীয় ঘাই পথৰ দাঁতিত সংঘটিত হয় এই ঘটনা । ছাইদুল ইচলাম নামৰ লোক এজনৰ ৱেল্ডিং গেৰেজত AS01 J 4898 নম্বৰৰ মাৰুতি 800 গাড়ীখনত ঝালাইৰ কাম কৰি থাকোতেই গাড়ীখন জ্বলি উঠে ৷

লগতে পঢ়ক: জামুগুৰিহাটত অচিনাক্ত বাহনৰ খুন্দাত দুগৰাকী মহিলাৰ কৰুণ মৃত্যু

স্থানীয় লোকে পানী ঢালিয়েই জুই নিৰ্বাপিত কৰে যদিও এতিমধ্যে সম্পূৰ্ণৰূপে ভষ্মিভূত হয় গাড়ীখন । এই পৰ্যন্ত গাড়ীখনৰ গৰাকীৰ বিষয়ে লাভ কৰা নাই কোনো তথ্য ।