বঙাইগাঁৱত ড্ৰাগছ ব্যৱসায়ত জড়িত আৰক্ষী কনিষ্টবল গ্ৰেপ্তাৰ

বঙাইগাঁৱত ড্ৰাগছ ব্যৱসায়ত জড়িত আৰক্ষী কনিষ্টবলক গ্ৰেপ্তাৰ। আৰক্ষীৰ ছত্ৰছায়াতেই ড্ৰাগছৰ ব্যৱসায় চলাৰ অভিযোগ । ইপিনে বঙাইগাঁও সদৰ থানাত ধৃত আৰক্ষী জোৱানজনৰ বিৰুদ্ধে এক গোচৰ পঞ্জীয়ন কৰি আদালতত হাজিৰ কৰায় ।

বঙাইগাঁও, 26 অক্টোবৰঃবঙাগাঁৱত ভক্ষকৰ ৰূপ ল'লে ৰক্ষকে ৷ শনিবাৰে বঙাইগাঁৱত ড্ৰাগছ ব্যৱসায়ৰ সৈতে জড়িত 1 জন আৰক্ষী কনিষ্টবলক গ্ৰেপ্তাৰ কৰে আৰক্ষীয়ে ৷ ধৃত কনিষ্টবল তাজেন মণ্ডলে দীৰ্ঘ দিনৰ পৰা নিজকে বঙাইগাঁও জিলা আৰক্ষী অধীক্ষকৰ ব্যক্তিগত দেহৰক্ষী বুলি পৰিচয় দি কিছু একাংশ লোকৰ সৈতে মিলি চলাই গৈছিলড্ৰাগছৰ ব্যৱসায়। উল্লেখ্য যে যোৱা কেইবা মাহত বঙাইগাঁও আৰু চিৰাং জিলাত এই ড্ৰাগছ ব্যৱসায়ত জড়িত প্ৰায় ৪০ জন লোকক গ্ৰেপ্তাৰ কৰিছিল আৰক্ষীয়ে ৷ এই ড্ৰাগছ ব্যৱসায়ীৰ বিৰুদ্ধে আৰক্ষীয়ে অভিযান চলাই আৰক্ষী জোৱান তাজেন মণ্ডলো এই নিষিদ্ধ ড্ৰাগছৰ ব্যৱসায়ত জড়িত থকাৰ খবৰ লাভ কৰে ৷ পাচত শনিবাৰে নিশা বঙাইগাঁও আৰক্ষী ছাউনীত নিয়োজিত থকা তাজেন মণ্ডলক আৰক্ষীয়ে আটক কৰে ৷ গ্ৰেপ্তাৰ হোৱা জোৱানজনৰ ঘৰ মঙলদৈৰ দলগাঁৱত। ইপিনে বঙাইগাঁও সদৰ থানাত ধৃত আৰক্ষী জোৱান জনৰ বিৰুদ্ধে এক গোচৰ পঞ্জীয়ন কৰি আদালতত হাজিৰ কৰায় ।

লগতে চাওকঃ দেৱালী উপলক্ষে 5.51 লাখ চাকিৰে উজ্বলিব অযোধ্যা