বঙাইগাঁৱত পৰাগ কুমাৰ দাসলৈ শ্ৰদ্ধাঞ্জলি

সাংবাদিক পৰাগ কুমাৰ দাসৰ লগতে অসমৰ আন 25 জন সাংবাদিকৰ হত্যাৰ গোচৰত কোনো এজন অপৰাধীক বৰ্তমানেও গ্ৰেপ্তাৰ কৰা নহ’ল বুলি শ্ৰদ্ধাঞ্জলি অনুষ্ঠানত শোক প্ৰকাশ কৰে গ্ৰেটাৰ বঙাইগাঁও প্ৰেছ ক্লাৱে

বঙাইগাঁও,17 মে’: বঙাইগাঁৱত শ্বহীদ সাংবাদিক পৰাগ কুমাৰ দাসৰ 23 সংখ্যক মৃত্যুবাৰ্ষিকীত শ্ৰদ্ধাঞ্জলি ৷ শুকুৰবাৰে গ্ৰেটাৰ বঙাইগাঁও প্ৰেছ ক্লাৱত এই শ্ৰদ্ধাঞ্জলি অনুষ্ঠান বন্তি প্ৰজ্বলনেৰে শুভাৰম্ভ কৰে বঙাইগাঁও প্ৰেছ ক্লাৱৰ উপদেষ্টা ৰঞ্জিত কুমাৰ শৰ্মাই ৷ তাৰ পাচতেই প্ৰেছ ক্লাৱৰ সভাপতি সুজিত কুমাৰ ৰায় , সম্পাদক উপানন্দ শৰ্মা সহ অন্যান্য সদস্য সকলে শ্ৰদ্ধাঞ্জলি জনায় প্ৰয়াত সাংবাদিকগৰাকীক ৷ উল্লেখ্য যে, সাংবাদিক পৰাগ কুমাৰ দাসৰ লগতে অসমৰ আন 25 জন সাংবাদিকৰ হত্যাৰ গোচৰত কোনো এজন অপৰাধীক বৰ্তমানেও গ্ৰেপ্তাৰ কৰা নহ’ল বুলি শ্ৰদ্ধাঞ্জলি অনুষ্ঠানত শোক প্ৰকাশ কৰে গ্ৰেটাৰ বঙাইগাঁও প্ৰেছ ক্লাৱে ৷