বঙাইগাঁও, 12 মাৰ্চঃবঙাইগাঁও জিলাৰ বইটামাৰীত ৰাষ্ট্ৰীয় ঘাইপথত জ্বলি উঠিল এখন ট্ৰাক ৷ বৃহস্পতিবাৰে সন্ধিয়া জিলাখনৰ বইটামাৰীৰ খগৰপুৰ পাহাৰৰ নামনিত বৰখাতাত ৰাষ্ট্ৰীয় ঘাইপথত সংঘটিত হয় এই অগ্নিকাণ্ড ৷ চলন্ত অৱস্থাতে জুই লাগি প্ৰায় ৫০% ভস্মীভূত হয় WB-73 A-3929 নম্বৰৰ ট্ৰাকখন ৷ শ্বৰ্ট চাৰ্কিটৰ ফলত গাড়ী খনত অগ্নি সংযোগ হোৱাৰ সন্দেহ কৰে ৰাইজে ৷ অভয়াপুৰীৰ পৰা অহা অগ্নিনিৰ্বাপক বাহিনীৰ প্ৰচেষ্টাত জুই নিৰ্বাপন কৰিবলৈ সক্ষম হয় ৷ প্ৰাপ্ত তথ্য অনুসৰি এই অগ্নিকাণ্ডত কোনো ধৰণৰ ক্ষতি হোৱা নাই ট্ৰাকখনৰ চালক আৰু সহকাৰী চালকৰ ৷
বঙাইগাঁৱত অগ্নিসংযোগ চলন্ত ট্ৰাকত