বঙাইগাঁৱতো গৰু বিহু পালন

পৰম্পৰাগত অনুসৰিয়েই পুৱাৰে পৰা বঙাইগাঁৱবাসীয়ে গো ধনক গা ধুৱাই পালন কৰে গৰু বিহু । ৰাজ্যৰ ভিন্ন প্ৰান্তৰ লগতে বঙাইগাঁৱতো গৰু বিহুৰ ব্যাপক উচাহ-উদ্দীপনা দেখা গৈছে ।

বঙাইগাঁও,১৪ এপ্ৰিল: অতীজৰে পৰা চলি অহা পৰম্পৰা ৰক্ষাৰে বুধবাৰে কাহিলী পুৱাতে উঠি গৰুক গা ধুৱাই ৰাজ্যবাসীয়ে উদযাপন কৰিলে গৰু বিহু । মাহ, হালধিৰে গোধনৰ শ্ৰীবৃদ্ধি কামনাৰে দীঘলতি পাতেৰে কোবাই গো-ধনক গা ধুৱাই বঙাইগাঁৱবাসীয়ে উদযাপন কৰিলে গৰু বিহু ৷ সকলোৱে নিজৰ গো-ধনক ধুৱাই আনন্দ-ফুৰ্তি কৰা দেখা গ'ল ।

গৰুক গা ধুওৱাৰ অন্তত গাত মাহ-হালধি সানি 'লাও খা বেঙেনা খা, বছৰে বছৰে বাঢ়ি যা' বুলি কুশল-মংগল কামনা কৰি সকলোৱে পালন কৰে গৰু বিহু । বঙাইগাঁৱৰ বিভিন্ন অঞ্চলত এনেদৰে পৰম্পৰাগতভাৱে উদযাপন কৰা হয় গৰু বিহু ৷

লগতে পঢ়ক: ক'ৰণাকলৈ উদ্বেগ প্ৰকাশ ডিমা হাছাও জিলাৰ উপায়ুক্ত পল বৰুৱাৰ