বঙাইগাঁও, ১৪ জানুৱাৰী: ৰাজ্য়জুৰি পালন কৰা হৈছে ভোগালী বিহু । বুধবাৰে উৰুকাৰ নিশা আনন্দৰে পাৰ কৰাৰ পিছত আজি পুৱাই মেজি জ্বলোৱা পৰ্ব সম্পন্ন কৰা হয় ।
বঙাইগাঁও চহৰৰ বৰপাৰা ৰাজহুৱা খেলপথাৰতো আজি মেজি জ্বলোৱা হয় । মেজি জ্বলাই বিহুৰ পৰম্পৰা ৰখা কৰে মন্ত্ৰী ফণীভূষণ চৌধুৰীয়ে ।
লগতে অসমৰ বিভিন্ন জাতি-জনগোষ্ঠীক একত্ৰিত হৈ বৃহত্তৰ অসমীয়া জাতিৰ ভেঁটি শক্তিশালী কৰিবলৈ আহ্বান জনায় আৰু সকলোলৈ বিহুৰ শুভেচ্ছা জ্ঞাপন কৰে ।
বঙাইগাঁওবাসী ৰাইজে আয়োজন কৰা বিহুৰ অনুষ্ঠানত জনগোষ্ঠীয় লোকসকলক লগত লৈ পিঠা, লাৰু আৰু চিৰা-দৈৰো জুতি লয় মন্ত্ৰীগৰাকীয়ে ।
লগতে পঢ়ক:নিৰ্বাচনী প্ৰচাৰ সভাত ক'লা পতাকা প্ৰদৰ্শনৰ হুংকাৰ আমছুৰ
