বঙাইগাঁৱত শোকাৱহ পথ দুৰ্ঘটনা

বঙাইগাঁৱৰ পাতিলাদহাৰ 31 নং ৰাষ্ট্ৰীয় ঘাইপথত ৱাগনাৰ আৰু মহেন্দ্ৰ চুক্ৰো গাড়ীৰ মাজত মুখামুখি সংঘৰ্ষ ৷ থিতাতে নিহত এজন , গুৰুতৰ ভাৱে আহত চাৰি জন ৷

বঙাইগাঁও, 25 ছেপ্টেম্বৰঃ বঙাইগাঁৱৰ পাতিলাদহাৰ 31 নং ৰাষ্ট্ৰীয় ঘাইপথত শোকাৱহ পথ দুৰ্ঘটনা ৷ দুৰ্ঘটনাত মহেন্দ্ৰ বৰ্মন নামৰ এজন ব্যক্তি নিহত হোৱাৰ লগতে আন চাৰি জন লোক গুৰুতৰ ভাৱে আহত । প্ৰাপ্ত তথ্য অনুসৰি, AS -01BN- 7553 নম্বৰৰ ৱাগনাৰৰ লগত AS- 25CC- 6603 নম্বৰৰ মহেন্দ্ৰ চুক্ৰো গাড়ীৰ মুখামুখি সংঘৰ্ষ হোৱাৰ ফলতেই দুৰ্ঘটনা সংঘটিত হয় ৷ নিহত লোক জনৰ ঘৰ নলবাৰীত হোৱাৰ বিপৰীতে আহত লোক কেইজন ক্ৰমে ছাইফুদ্দিন আহমেদ, নুৰইছলাম,আৰু ছহিদুল আলম বুলি জানিব পৰা গৈছে ৷ আহত সকলক ততাতয়াকৈ মানিকপুৰ আদৰ্শ চিকিৎসালয়ত ভৰ্তি কৰোৱা হয় ৷