উত্তৰ অভয়াপুৰী,6 এপ্ৰিলঃপৰিৱৰ্তনৰ শ্ল'গানৰে শাসনৰ গাদী দখল কৰিছিল মুখ্যমন্ত্ৰী সৰ্বানন্দ সোণোৱালৰ নেতৃত্বত মিত্ৰজোঁটৰ চৰকাৰে ৷ ক্ষমতালৈ অহাৰ পাচতেই দুৰ্নীতি ৰোধৰ ক্ষেত্ৰত শূণ্য সহনশীলতা নীতি গ্ৰহণ কৰিছিল মুখ্যমন্ত্ৰীগৰাকীয়ে ৷ কিন্তু মুখ্যমন্ত্ৰীৰ এনে সদম্ভ ঘোষণাক বুঢ়া আঙুলি দেখুৱাই এতিয়াও একাংশ চৰকাৰী বিভাগত অবাধ হাৰত দুৰ্নীতি চলি থকাৰ গুৰুতৰ অভিযোগ উত্থাপন হৈছে ৷ শনিবাৰে উত্তৰ অভয়াপুৰীৰ কীৰ্তনপাৰাত চলি থকা কোটি টকীয়া পথ নিৰ্মাণ আঁচনিৰ বিৰুদ্ধে ৰাজপথত ওলাই আহিল একাংশ ৰাইজ তথা সংগঠন ৷ বিভাগীয় অভিযন্তাৰ সৈতে বুজাবুজিৰে কোনো ধৰণৰ ফলক নোহোৱাকৈ সমুদায় ধুন হৰলুকী কৰাৰ অভিযোগ ঠিকাদাৰ ৰুদ্ৰ পাঠকৰ বিৰুদ্ধে ৷
পথ নিৰ্মাণৰ নামত অনিয়মৰ অভিযোগ, ফলক অবিহনে চলিছে নিৰ্মাণ কাৰ্য্য