মাণিকপুৰ,২৪ ছেপ্টেম্বৰ:বঙাইগাঁও জিলাৰ মাণিকপুৰ মহকুমাৰ অন্তৰ্গত মানিকপুৰ অৰ্দ্ধ সাপ্তাহিক বজাৰ গৃহত মাণিকপুৰ জহা ৰাইচ প্ৰডিউচাৰ কোম্পানীৰ বাৰ্ষিক সভা অনুষ্ঠিত হয়(Annual meeting of Joha Rice Producer Company) । বঙাইগাঁও জিলাৰ প্ৰাক্তন জিলা কৃষি বিষয়া লক্ষেশ্বৰ ৰায়ৰ সভাপতিত্বত অনুষ্ঠিত হোৱা সভাখনত কোম্পানীটোৰ সকলো বিষয়ববীয়াৰ উপৰিও প্ৰায় ২৯৫ জন সদস্য উপস্থিত থাকে ।
বিশিষ্ট অতিথি হিচাপে উপস্থিত থাকে চিৰাং জিলাৰ কৃষি বিজ্ঞান কেন্দ্ৰৰ মূখ্য বিজ্ঞানী চন্দন ডেকা, কৃষি বিজ্ঞানী হিৰন্য বৰুৱা, আৰু বঙাইগাঁও জিলাৰ কৃষি বিজ্ঞান কেন্দ্ৰৰ ভাৰপ্ৰাপ্ত বিষয়া গৌৰাঙ্গ দাস । বাৰ্ষিক সভাখনত জহা ৰাইচ প্ৰডিউচাৰ কোম্পানীৰ বিগত দিনৰ সকলো কাম কাজৰ পৰ্যালোচনা কৰাৰ উপৰিও বিজ্ঞানীসকলে চৰকাৰে কৃষকলৈ আগবঢ়োৱা আঁচনিৰ ব্যৱসাৰ কেনেকৈ কৰিব পাৰি লগতে জৈৱিক সাৰ কেনেকৈ প্ৰস্তুত কৰিব পাৰি আৰু ব্যৱসাৰ কৰিব লাগে কৃষকৰ আগত বিতংভাৱে আলোচনা কৰে ।