বিহালীত বন গাহৰিৰ আক্ৰমণত দুজন গুৰুতৰভাৱে আহত

কাজিৰঙা ষষ্ঠ সংযোজনৰ পৰা ওলাই অহা বন গাহৰিয়ে বিহালী আৰক্ষী থানাৰ অন্তৰ্গত কাছমাৰী অঞ্চলৰ ৰাজু কৰ্মকাৰ( ৩০) আৰু অৰ্কিত মুণ্ডা( ১৬)নামৰ দুজন যুৱকক পুৱা ৯ মান বজাত আক্ৰমণ কৰি গুৰুতৰভাৱে আহত কৰে

বিহালী,22 জুলাইঃ ৰাজ্যত বানৰ কৱলত মানুহ, বন্যপ্ৰাণীৰ বিলয় বিপত্তি চলি থকাৰ সময়তে সোমবাৰে বিহালী কাছমাৰীত দুজন যুৱকক বন গাহৰিয়ে আক্ৰমণ কৰি গুৰুতৰভাৱে আহত কৰে । জানিব পৰা মতে ব্ৰহ্মপুত্ৰৰ বাঢ়নী পানীৰ প্ৰকোপত পৰি কাজিৰঙা ষষ্ঠ সংযোজনৰ পৰা ওলাই অহা বন গাহৰিয়ে বিহালী আৰক্ষী থানাৰ অন্তৰ্গত কাছমাৰী অঞ্চলৰ ৰাজু কৰ্মকাৰ( ৩০) আৰু অৰ্কিত মুণ্ডা( ১৬)নামৰ দুজন যুৱকক পুৱা ৯ মান বজাত আক্ৰমণ কৰি গুৰুতৰভাৱে আহত কৰে । ৰাজু কৰ্মকাৰক বিহালী প্ৰাথমিক চিকিৎসালয়ত ভৰ্তি কৰাৰ বিপৰীতে অৰ্কিত মুণ্ডাক বিশ্বনাথ চাৰিআলিৰ ব্যক্তিগত খণ্ডৰ চিকিৎসালয় জে,কেত ভৰ্তি কৰা হৈছে ।