বিশ্বনাথ, 11 ফেব্ৰুৱাৰী:জাতিএটাৰ মেৰুদণ্ড স্বৰূপ কলা-সংস্কৃতিৰ ঐতিহ্যমণ্ডিত ধাৰা অব্যাহত ৰখাৰ ক্ষেত্ৰত প্ৰয়োজন হোৱা এখন সঠিক মঞ্চ প্ৰদান কৰাৰ ক্ষেত্ৰত বিজেপি চৰকাৰে যথেষ্ট অৰিহনা আগবঢ়াইছে বুলি মন্তব্য কৰিছে গহপুৰৰ বিধায়ক উৎপল বৰাই ৷
বিশ্বনাথ জিলাৰ গহপুৰ সমষ্টিৰ ভোলাগুৰিত জ্যোতি উদ্যান সাংস্কৃতিক প্ৰকল্পৰ আধাৰশিলা স্থাপন কৰি সমষ্টিটোৰ বিধায়ক গৰাকীয়ে এই মন্তব্য কৰে ৷ বৰাই মন্তব্য কৰে যে, এটা জাতিৰ মেৰুদণ্ড স্বৰূপ কলা সংস্কৃতিৰ ঐতিহ্যমণ্ডিত ধাৰা অব্যাহত ৰাখিবলৈ হ'লে আগ্ৰহ আৰু ত্যাগৰ প্ৰয়োজন ৷ কলা সংস্কৃতিৰ এই ধাৰা অব্যাহত ৰখাৰ ক্ষেত্ৰত প্ৰয়োজন হোৱা সঠিক মঞ্চখন বিজেপিয়ে যোগান ধৰিছে বুলিও বৰাই মন্তব্য কৰে ৷