7 বজাৰ শীৰ্ষ 10 টা বাতৰি

7 বজাৰ শীৰ্ষ 10 টা বাতৰি

ৰঙিয়া পৌৰসভা(Rangia Municipality)ৰ ৱাৰ্ড কমিচনাৰৰ স্বামীৰ মইমতালি । ঘৰৰ সন্মুখৰ পথেৰে বালি ভৰ্তি ডাম্পাৰ চলাচল কৰাৰ বাবে খঙত অগ্নিশৰ্মা হৈ কালভাৰ্টৰ এটা অংশ ভাঙি দিয়াৰ অভিযোগ উত্থাপন কৰে স্থানীয় ৰাইজে(Gundaraj of ward commissioner husband) । ঘটনা সন্দৰ্ভত ৰাইজে দাখিল কৰে এজাহাৰ ।

আৰক্ষীয়ে প্ৰকাশ কৰা মতে, অভিযুক্তকেইজনে 'ইছলাহী ফালাহী ৰিলিফ ট্ৰাষ্ট' (Islahi Falahi Relief Trust, IFRT) নামৰ এটা ভুৱা এনজিঅ'ৰ ছত্ৰছায়াত এটা সন্ত্ৰাসবাদী পুঁজিৰ ৰেকেট চলাই আছিল । উক্ত পুঁজিৰ দ্বাৰা দৰিদ্ৰ লোক আৰু পৰিয়ালবোৰক আৰ্থিক সাহায্য প্ৰদান কৰাৰ দাবী কৰিছিল ।

আজি ঘোষণা হৈছে দেউৰী স্বায়ত্তশাসিত পৰিষদৰ নিৰ্বাচনৰ ফলাফল (DAC election result 2022) ৷ বিজেপি মিত্ৰজোঁটে 22 খন আসনতে জয়ী হোৱাৰ সপোন দেখিছিল যদিও সেই সপোন পূৰণ নহ’ল ৷ ইফালে এই নিৰ্বাচনত আকৌ এবাৰ দুৰাৱস্থা হ’ল কংগ্ৰেছৰ ৷

ত্ৰিপুৰাৰ প্ৰাক্তন মন্ত্ৰী তথা আইপিএফটিৰ প্ৰাক্তন বিধায়ক মেভাৰ কুমাৰ জামাতিয়াই শাসকীয় বিজেপিক তীব্ৰ সমালোচনা কৰে (Ex IPFT leader slams BJP)। বিজেপিয়ে জনজাতীয় অঞ্চলত কাম কৰিবলৈ নিদিয়াৰ অভিযোগ নেতাগৰাকীৰ । আইপিএফটি দলৰ প্ৰায়সমূহ সংগঠনে টিপ্ৰা মোথাৰ সৈতে একত্ৰিত হৈছে । বাকীসমূহো অতিশীঘ্ৰে একত্ৰিত হ'ব বুলি আশাবাদী আইপিএফটি দলৰ প্ৰাক্তন বিধায়কগৰাকী ।

কয়েম্বটুৰ গাড়ী বিস্ফোৰণ ঘটনাত বৃহস্পতিবাৰে NIA-ই তামিলনাডুৰ চেন্নাই, কয়েম্বটুৰ, থিৰুভাল্লুৰ, থিৰুপপুৰ, নীলগিৰি, চেঙ্গালপাটু, কাঞ্চিপুৰম আৰু কেৰালাৰ পালাক্কাডৰ ৪৩ টা স্থানত তালাচী চলায় (NIA conducted searches at 43 locations in Chennai) । উক্ত তালাচীৰ সময়ত সন্দেহযুক্ত লোকৰ ঘৰৰ পৰা ডিজিটেল সঁজুলি আৰু আপত্তিজনক নথি-পত্ৰ জব্দ কৰা বুলি NIA-ৰ সূত্ৰত প্ৰকাশ ।

সদৌ অসম ছাত্ৰ সন্থাৰ আহ্বানত মাধ্যম আন্দোলনৰ ৫০ বছৰ (50 years of media movement) উপলক্ষে শিৱসাগৰৰ নামতিত ‘‘মাতৃভাষা জ্ঞান আহৰণৰ উত্তম উপায়’’ শীৰ্ষক এক বক্তৃতা অনুষ্ঠানৰ আয়োজন কৰা হয় ৷

মহানগৰীৰ সাতগাঁওস্থিত এছ এফ এছ স্কুলত ১০ নৱেম্বৰ অৰ্থাৎ আজিৰ পৰা ১২ নৱেম্বৰলৈ আৰম্ভ হৈছে মডেল ৰাষ্ট্ৰসংঘৰ আৰ্হিত এখন Assembly(Assembly modeled on model United Nations) ৷

দুটা দশক ধৰি ছয় জনগোষ্ঠীক কেন্দ্ৰীয় চৰকাৰে কেৱল প্ৰতাৰণা কৰি অহাৰ অভিযোগ তুলি জনজাতিকৰণৰ পৰা বঞ্চিত আটাইকেইটা সংগঠনে বৃহস্পতিবাৰে গুৱাহাটীৰ চচলৰ ধৰ্ণাস্থলীত অৱস্থান ধৰ্মঘট কাৰ্যসূচী ৰূপায়ণ কৰে (protest of 6 tribes in Guwahati) ।

আন্তঃবেংক বৈদেশিক মুদ্ৰা বজাৰত (foreign exchange market) ডলাৰৰ বিপৰীতে বুধবাৰে টকা মুকলি হয় ৮১.৬১ ত, পৰৱৰ্তী সময়ত টকাৰ মূল্য অধিক হ্ৰাস পাই ৮১.৪৭ হয় ৷ ইফালে বিশ্বজুৰি তেলৰ উন্নত ব্ৰেণ্ট ক্ৰুড ফিউচাৰ ০.০৩ শতাংশ বৃদ্ধি হৈ প্ৰতি বেৰেলত ৯২.৬৮ আমেৰিকান ডলাৰ হৈছে ।

বৰ্তমান ব্যৱহাৰকাৰীসকলে High-speed ইণ্টাৰনেটৰ বাবে ফাইবাৰ সেৱা পছন্দ কৰিছে । ৰিলায়েন্স জিঅ’ আৰু এয়াৰটেলে দেশৰ দুটা বিশাল কোম্পানীক প্ৰতিটো শিতানত বহুতো ডাঙৰ ডাঙৰ ফাইবাৰ ব্ৰডবেণ্ড প্লেন আগবঢ়াইছে ।