7 বজাৰ শীৰ্ষ 10 টা বাতৰি

7 বজাৰ শীৰ্ষ 10 টা বাতৰি

১১ অক্টোবৰৰ পৰা GMCH ত চিকিৎসাধীন হৈ থকা বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মাৰ স্বাস্থ্য ক্ৰমাৎ অৱনতি ঘটিছে (Steadily Sick Satradhikar Basistha Dev Sarma) ৷ যাৰ বাবে এতিয়া চিন্তিত হৈ পৰিছে বৰপেটা সত্ৰবাসীৰ লগতে ৰাজ্যখনৰ বিভিন্ন দল সংগঠন কিম্বা সাধাৰণ জনতা ৷ বুঢ়াসত্ৰীয়াগৰাকীৰ আশু আৰোগ্যৰ বাবে ৰাজ্যবাসীয়ে আঠু লৈছে নেদেখাজনৰ শ্ৰীচৰণত ৷

প্ৰধানমন্ত্ৰী আৱাস যোজনা-নগৰ প্ৰকল্পৰ দ্ৰুত ৰূপায়ণৰ বাবে দেশৰ আন ৪ খন ৰাজ্যৰ লগতে ত্ৰিপুৰাকো পুৰস্কৃত কৰা হৈছে (Centre awarded Tripura)। আঁচনিৰ অধীনত প্ৰদান কৰা আন চাৰিখন ৰাজ্য হৈছে গুজৰাট, উত্তৰ প্ৰদেশ, মধ্য প্ৰদেশ আৰু তামিলনাডু । ত্ৰিপুৰাৰ ২০ খন নগৰ অঞ্চলত ৬ টা ডিপিআৰ অনুসৰি মুঠ ৮৭,২২৬ টা ঘৰ নিৰ্মাণৰ বাবে অনুমোদন জনোৱা হৈছে ৷ ইয়াৰ ভিতৰত ৭০,৬৪০ টা ঘৰৰ নিৰ্মাণ কাৰ্য আৰম্ভ হৈছে ৷

অৱশেষত ঘোষণা হ’ল গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ নিৰ্বাচনৰ ফলাফল (Declared GU election result 2022) ৷ এই নিৰ্বাচনত অধিকাংশ পদতেই আছুৰ সমৰ্থিত প্ৰাৰ্থীয়ে বিয়জী ধ্বজ্জা উৰুৱাবলৈ সক্ষম হৈছে ৷ ইয়াৰে ভিতৰত সভাপতি পদত কাশ্যপ কল্যাণ গগৈয়ে ১২০৫ টা ভোট লাভ কৰাৰ লগতে সাধাৰণ সম্পাদক পদত পুণ্যব্ৰত দত্তই ১১৫৩ ভোট লাভ কৰি জয়লাভ কৰিছে ।

আজি অসম সাহিত্য সভাৰ সভাপতি পদৰ বাবে মনোনয়ন সংগ্ৰহ কৰে বিশিষ্ট সাহিত্যিক য়েছে দৰজে ঠংচিয়ে (Yese Dorje Thonsi collected nomination paper) । মনোনয়ন সংগ্ৰহ প্ৰক্ৰিয়া চলিব ২০ ৰ পৰা ২২ অক্টোবৰলৈকে । আনহাতে, ২৮ অক্টোবৰৰ ভিতৰত মনোনয়ন প্ৰত্যাহাৰ কৰিব পাৰিব ।

গৌৰাৱান্বিত অসম, গৌৰাৱান্বিত ভাৰত ৷ পাঠ্যক্ৰমৰ অন্তৰ্ভূক্ত এটা প্ৰকল্পৰ বাবে কলকাতাৰ সত্যজিত ৰায় ফিল্ম এণ্ড টেলিভিচন ইনষ্টিটিউটত অধ্যয়নৰত অসমৰ এজন ছাত্ৰই নিৰ্মাণ কৰা এখন চুটি ছবিয়ে এণ্ট্ৰি লাভ কৰিছে অস্কাৰত (Assamese short film mor ghorar duronto goti) ৷ গুৱাহাটীৰ নিৱাসী মহৰ্ষি তুহিন কাশ্যপৰ এই অভূতপূৰ্ব সফলতাই আৰু অধিক চহকী কৰি তুলিলে অসমৰ সাংস্কৃতিক তথা চলচ্চিত্ৰ জগতখনৰ মানদণ্ড ৷

ডিব্ৰুগড়ৰ বৰবৰুৱাত ভয়ংকৰ পথ দুৰ্ঘটনা (Road Accident) ৷ পথ দুৰ্ঘটনাত থিতাতে নিহত এগৰাকী মহিলা ৷ পাঞ্জাৱবডী আৰু বাইকৰ মাজত হোৱা মুখা-মুখি সংঘৰ্ষৰ ফলত সংঘটিত হয় এই পথ দুৰ্ঘটনা ৷

হঠাৎ নলবাৰীত সৃষ্টি হয় এক হুলস্থূলীয়া পৰিৱেশৰ ৷ কিয়নো বৃহস্পতিবাৰে নলবাৰীৰ ধৰ্মপুৰৰ কঠলাত ধাননি পথাৰত উদ্ধাৰ হয় এজন অচিনাক্ত পুৰুষৰ মৃতদেহ (Unidentified body recovered in Nalbari) । আৰক্ষী তথা স্থানীয় লোকৰ সন্দেহ, কোনো লোকে হত্যা কৰি পেলাই থৈ গৈছে লোকজনক ৷ উদ্ধাৰ হোৱা মৃত লোকজনৰ বয়স প্ৰায় 50 বছৰ ৷ ইতিমধ্যে আৰক্ষীয়ে এই সংক্ৰান্তত আৰম্ভ কৰিছে তদন্ত ৷

দেশৰ ভিতৰত অন্যতম শক্তিপীঠ কামাখ্যা হৈছে ৰাজ্যখনৰ এক অন্যতম তীৰ্থস্থান তথা পৰ্যটনস্থলী (Assam Tourism) । কিন্তু ভাৰতৰ বিভিন্ন ঠাইৰ মন্দিৰৰ তুলনাত কামাখ্যা মন্দিৰৰ স্বচ্ছতা কোনো ধৰণৰ কম নহয় বুলি উল্লেখ কৰি মন্ত্ৰী জয়ন্ত মল্লই কয় যে আমি ইয়াক আৰু অধিক উন্নত কৰিব লাগে (Development plane of Kamakhya Temple) ।

ত্ৰিপুৰাত ২০১৭ চনত বৰ্খাস্ত কৰা ১০,৩২৩ গৰাকী (terminated teachers of Tripura protest) শিক্ষকৰ পুনৰ মকৰলৰ দাবীত অনিৰ্দিষ্টকালীন আমৰণ অনশন । এইসকল শিক্ষকে চাকৰি হেৰুওৱা নাই বুলি দাবী কৰিছে ।

কাৰ্বি আংলঙৰ প্ৰাথমিক শিক্ষা বিষয়ালৈ আনুষ্ঠানিকভাৱে বলেৰ' বাহন বিতৰণ (Bolerao car to Karbi Anglong Education Officer) । বাহনকেইখন আনুষ্ঠানিকভাৱে বিতৰণ কৰে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য ডঃ তুলিৰাম ৰংহাঙে ।