1 বজাৰ 10 টা শীৰ্ষ বাতৰি

1 বজাৰ 10 টা শীৰ্ষ বাতৰি

অসমত বাহৰ পতা বলীউডৰ মোহময়ী অভিনেত্রী, চলচ্চিত্র নির্মাতা কংগনা ৰাণাৱটৰ মুখ্যমন্ত্রী ড৹ হিমন্ত বিশ্ব শৰ্মাক সাক্ষাৎ (Kangana Ranaut talk with Assam CM)। মুখ্যমন্ত্ৰীৰ কাৰ্যালয়ত সৌহার্দমূলক সাক্ষাৎ কৰি অভিনেত্ৰীগৰাকীয়ে মুখ্যমন্ত্ৰীৰ কাম-কাজক ভূয়সী প্রশংসা কৰে ৷

ইংলেণ্ডৰ বাৰ্মিংহামত অনুষ্ঠিত Commonwealth Games 2022 ত লনবল প্ৰতিযোগিতাত সোণৰ পদক আঁজুৰি আনিবলৈ সক্ষম হৈছিল নয়নমণি শইকীয়াই । তেওঁ গুজৰাটত অনুষ্ঠিত ৰাষ্ট্ৰীয় ক্ৰীড়াতো লন বলত পদক জয় কৰি অসমলৈ গৌৰৱ কঢ়িয়াই আনিছে । এই সাফল্য়ৰ বাবেই এইবাৰ অৰ্জুন বঁটাৰ বাবে মনোনীত কৰা হৈছে খেলুৱৈ গৰাকীক ।

চৰাইদেউ জিলা পৰিবহন বিষয়া ৰাজীৱ চন্দ্ৰ বৰদলৈক নিলম্বন (Charaideo DTO Suspended) ৷ নাগালেণ্ড, অৰুণাচলৰ ভুৱা অনুজ্ঞাপত্ৰ বৈধ কৰিছিল বৰদলৈয়ে ৷

দুৰ্নীতিৰ ভূ-স্বৰ্গত পৰিণত বিজেপি গঠিত গোৱালপাৰা পৌৰসভা (Goalpara Municipal Board)। গোৱালপাৰা পৌৰসভাত মল পৰিশোধন প্লাণ্টৰ নামত কোটিটকীয়া বৃহৎ কেলেংকাৰী । নীতি-নিয়মক জলাঞ্জলি দি এটা কোম্পানীলৈ অহেতুক দৰদ কিয় পৌৰসভাৰ ? চাওক ই টিভি ভাৰত অসমৰ এক exclusive প্ৰতিবেদন ।

শেহতীয়াকৈ নব্যাৰ প’ডকাষ্ট ‘ৱাট দ্য হেল নব্যা’ৰ এটা খণ্ডত শ্বেতা বচ্চন নন্দাৰ কন্যা নব্যা নভেলী নন্দাই তেওঁ আৰু তেওঁৰ মাতৃ তথা আইতাক জয়া বচ্চনৰ ধনৰ সৈতে সম্পৰ্ক আৰু মহিলাৰ বাবে আৰ্থিক সম্পৰ্কৰ ওপৰত এক আলোচনা কৰে ৷ য'ত তেওঁ স্পষ্টকৈ উল্লেখ কৰে যে কিদৰে বিবাহৰ পিছত শ্বেতাই মাহিলী ৩ হাজাৰ টকা বেতনত সহকাৰী শিক্ষয়িত্ৰী হিচাপে নিজৰ কৰ্মজীৱন আৰম্ভ কৰিছিল ৷

মহানগৰীত বৃদ্ধি পাইছে চুৰিকাণ্ডৰ ঘটনা(Thief case increasing in Guwahati) । পুনৰ মহানগৰীৰ বশিষ্ঠত সংঘটিত হৈছে চুৰিকাণ্ড । মহানগৰীৰ সত্য কলিতা নামৰ ব্যক্তিগৰাকীৰ ঘৰত সংঘটিত হয় চুৰিকাণ্ড(Theft in Basishtha) । কিছুদিন পূৰ্বেও সত্য কলিতাৰ ঘৰত চোৰে চলাইছিল চাফাই অভিযান ।

‘‘মন কৰিলেই ছন, বাকৰি মাটিতে ধন” এই আপ্ত বাক্যশাৰী সৰোগত কৰি বিশ্বনাথ জিলাৰ বিহালী সমষ্টিৰ বাঘমৰী ব্ৰহ্মপুত্ৰ চাপৰিত এক সেউজ বিপ্লৱৰ সূচনা কৰা উদ্দেশ্যে বিশ্বনাথ জিলাৰ বিহালীৰ এদল কৰ্মঠ যুৱকে আৰম্ভ কৰিছে কৃষি বিপ্লৱ (Self reliant with farming)।

হেমা, কৰিশ্মা আৰু আস্থাই আনিছে অসমৰ কৃষকলৈ সুখবৰ । হেমা, কৰিশ্মা অথবা আস্থা অৱশ্যে কোনো মহিলা বা যুৱতী নহয় ৷ এয়া হৈছে ধানৰ উন্নত জাত ( Improved varieties of paddy) । এইকেইটা জাতকে ধৰি সমুদায় দহটা উন্নত জাতৰ খেতি পৰীক্ষণমূলকভাৱে কৰি আছে ৰঙিয়া নকুলৰ কৃষকসকলে ।

ডিফুত ডেংগুৰ ভয়াৱহ সংক্ৰমণ (Dengue at Diphu) ৷ চৰকাৰী তথ্য অনুসৰি ৩০৮ জন আক্ৰান্ত, ৩ জনৰ মৃত্যু ৷ ডিফুত বাহৰ পাতি দিন-ৰাতি একাকাৰ কৰি ডেংগু প্ৰতিৰোধত লাগিছে আই এ এছ ডাঃ এম এছ লক্ষ্মীপ্ৰিয়া ৷

শুকুৰবাৰে সন্ধিয়াৰ পৰা হঠাৎ চিয়াং নদীৰ পানী ঘোলা হৈ পৰে (Siang river in Arunachal Pradesh)। ৰঙা চীনে ব্ৰহ্মপুত্ৰৰ উৎস চাংপোত বান্ধ নিৰ্মাণৰ কাম পুনৰ আৰম্ভ কৰাৰ ফলতে নদীখনৰ এনে পৰিৱৰ্তন হৈছেনে নেকি ? নে তীব্ৰতৰ ভূমিস্খলনৰ ফলত চিয়াং নদীৰ পানী পৰিৱৰ্তন হৈছে ? ৰহস্যৰ আৱৰ্তত চিয়াঙৰ পানী ঘোলা হোৱাৰ ৰহস্য ৷