Tiger scare in Behali : বিহালীত গোহালিৰ পৰা বাঘে টানি নিলে পশুধন

বিশ্বনাথ জিলাৰ বিহালীত বাঘৰ আতংক অব্যাহত আছে (Tiger scare in Behali)। এইবাৰ ৰাংছালী গাঁৱত বাঘৰ মুক্ত বিচৰণ । গোহালিত সোমাই গৰু টানি নিলে ঢেকীয়াপতীয়া বাঘে ।

বিশ্বনাথ, ১৩ জানুৱাৰী :চাৰিওফালে ভোগালীক আদৰাৰ প্ৰস্তুতি চলিছে । ভোগালীৰ বজাৰত বিভিন্ন খাদ্য সামগ্ৰী ক্ৰয় কৰিবলৈ গ্ৰাহকে ভিৰ কৰা দেখা গৈছে । ভোগালীক লৈ সকলো ব্যস্ত হৈ থকাৰ মাজতে বিশ্বনাথৰ বিহালীত বাঘৰ আতংক (Tiger scare in Bihali) । বাঘৰ আক্ৰমণত বহু পশুধনৰ মৃত্যু হোৱা দেখা গৈছে ৷

বুধবাৰে পুনৰ ৰাংছালীত বাঘৰ আক্ৰমণ মৃত্যু হ'ল পশুধনৰ । জানিব পৰা মতে, নিশা প্ৰায় ৮ মান বজাতবৰগাং বনাঞ্চলিক কাৰ্যালয়ৰ অন্তৰ্গত গাঁৱখনত এটা ঢেকীয়াপতীয়া বাঘে প্ৰৱেশ কৰে (Tiger free roaming in Bihali) ।কাজিৰঙা ৰাষ্ট্ৰীয় উদ্যানৰ পৰা ওলাই অহা প্ৰকাণ্ড বাঘটোৱে গাঁৱখনৰ জিতেন দাস নামৰ লোকজনৰ গোহালিৰ পৰা টানি নিয়ে গৰু পোৱালি ৷

জিতেন দাস আৰু পুত্ৰই বাঘটো প্ৰত্যক্ষ কৰি চিঞৰ-বাখৰ কৰে । বাঘটোৱে পাছত মৃত গৰু পোৱালিটো এৰি পলায়ন কৰে । ইফালে ঘটনাস্থলীত উপস্থিত হয় কাজিৰঙা ৰাষ্ট্ৰীয় উদ্যানৰ গমিৰি বনাঞ্চলিক কাৰ্যালয় আৰু বৰগাং বনাঞ্চলিক কাৰ্যালয়ৰ বনকৰ্মীৰ দল । নিশা ২ বজা পৰ্যন্ত বনকৰ্মীৰ দলটোৱে ফটকা ফুটাই বাঘটো সেই স্থান পৰা খেদিবলৈ চেষ্টা কৰে । ইফালে বাঘৰ মুক্ত বিচৰণক লৈ গাঁৱখনত তীব্ৰ উত্তেজনাই বিৰাজ কৰিছে ।

লগতে পঢ়ক :প্ৰতিবাদৰ প্ৰতিশ্ৰুতিৰে মুখ্যমন্ত্ৰীৰ পৰিয়ালক ভোগালীৰ ওলগ অখিল গগৈৰ