চতিয়া,5 জুন: কৰ’ণা মহামাৰীয়ে দৰিদ্ৰ কৃষকসকলৰ বাবে অভিশাপস্বৰূপ হৈ দেখা দিছে ৷ ক’ভিড সংক্ৰমণ ৰোধ কৰিবলৈ ৰাজ্যৰ স্বাস্থ্য বিভাগে জাৰি কৰিছে ইখনৰ পাছত সিখন নিৰ্দেশনা (COVID SOP) ৷ ফলস্বৰূপে সমগ্ৰ ৰাজ্যত অব্যাহত আছে আংশিক লক ডাউন (mini lockdown) ৷ এই সময়ছোৱাত আটাইতকৈ বেছি ক্ষতিগ্ৰস্ত হৈছে ৰাজ্যৰ দৰিদ্ৰ কৃষকসকল ৷
পৰ্যাপ্ত বজাৰৰ অভাৱত মূৰৰ ঘাম মাটিত পেলাই কৃষকসকলে উৎপাদন কৰা ফচল পথাৰতে পৰি ৰৈছে ৷ উৎপাদিত বস্তু গৰু-ছাগলীক খাবলৈ দিয়াৰ বাদে অন্য পথ নাই ৰাজ্যৰ কৃষক ৰাইজৰ হাতত ৷ এনে সময়তে, জামুগুৰিহাটৰ নিকটৱৰ্তী ইটাখোলাস্থিত ভূঞাপাৰা অঞ্চল নিবাসী ছাত্ৰ নেতা (student leader) মিণ্টু ভূমিজে চৰকাৰক কৃষক সমাজক (farmer's community) সহায় কৰাৰ বাবে আহ্বান জনাইছে । উল্লেখ্য যে, ছাত্ৰ নেতা গৰাকীয়ে কৰা প্ৰায় ৮ বিঘা কৃষি ভূমিত উৎপাদিত জলকীয়া, ভেণ্ডি, বেঙেনা, বিলাহী আৰু মাকৈ খেতি বিনষ্ট হৈছে বজাৰৰ অভাৱত ।