বিশ্বনাথত "ৰান ফৰ ভোট" কাৰ্যসূচী

বিশ্বনাথ জিলাৰ প্ৰতিগৰাকী নাগৰিকক নিৰ্বাচনী প্ৰক্ৰিয়াত অংশগ্ৰহণ কৰাৰ লগতে নৱ প্ৰজন্মৰ ভোটাৰসকলক এই গণতান্ত্ৰিক প্ৰক্ৰিয়াৰ প্ৰতি আগ্ৰহী কৰাৰ উদ্দেশ্যে গ্ৰহণ কৰা হয় এই কাৰ্যসূচীৰ ৷ দেওবাৰে পুৱাই বিশ্বনাথৰ জিলা নিৰ্বাচনী বিষয়া পৱিত্ৰ ৰাম খাউণ্ডৰ নেতৃত্বত গ্ৰহণ কৰা হয় এই সমূহীয়া দৌৰ কাৰ্যসূচীৰ ৷

বিশ্বনাথ, 17 মাৰ্চ : আসন্ন লোকসভা নিৰ্বাচনৰ প্ৰতি লক্ষ্য ৰাখি বিশ্বনাথ জিলা প্ৰশাসনৰ উদ্দ্যোগত "ৰান ফৰ ভোট" কাৰ্যসূচী ৷ বিশ্বনাথ জিলাৰ প্ৰতিগৰাকী নাগৰিকক নিৰ্বাচনী প্ৰক্ৰিয়াত অংশগ্ৰহণ কৰাৰ লগতে নৱ প্ৰজন্মৰ ভোটাৰসকলক এই গণতান্ত্ৰিক প্ৰক্ৰিয়াৰ প্ৰতি আগ্ৰহী কৰাৰ উদ্দেশ্যে গ্ৰহণ কৰা হয় এই কাৰ্যসূচীৰ ৷ দেওবাৰে পুৱাই বিশ্বনাথৰ জিলা নিৰ্বাচনী বিষয়া পৱিত্ৰ ৰাম খাউণ্ডৰ নেতৃত্বত গ্ৰহণ কৰা হয় এই সমূহীয়া দৌৰ কাৰ্যসূচীৰ ৷ পুৱা ৬ বজাৰ পৰা আৰম্ভ হোৱা এই সজাগতা দৌৰ কাৰ্যসূচী বিশ্বনাথ চাৰিআলিৰ ক্লক টাৱাৰৰ সমীপৰ পৰা আৰম্ভ হৈ শান্তিপুৰৰ মাজেৰে গৈ সমাপ্ত হয় জিলা উপায়ুক্তৰ কাৰ্যালয়ত ৷