বিশ্বনাথ, ১৭ জুলাই: দেওবাৰে বিশ্বনাথৰ মোনাবাৰীত সংঘটিত হয় এক ভয়ংকৰ পথ দুৰ্ঘটনা (Road accident in Biswanath) ৷ এই দুৰ্ঘটনাৰ ফলত এজন লোকৰ থিতাতে মৃত্যু হয় ৷ ঘটনা অনুসৰি, বিশ্বনাথ চাৰিআলি পৰা এজন যুৱক বাইকেৰে ১৫ নং ৰাষ্ট্ৰীয় ঘাইপথৰে বৰগাঙৰ দিশে গৈ থকা সময়তে বিপৰীতে দিশৰ পৰা অহা এখন দ্ৰুতবেগী মালবাহী ট্ৰাকে খুন্দা মাৰে বাইকখনত ৷
ট্ৰাকৰ খুন্দাত কৰুণ মৃত্যু বাইক আৰোহীৰ
ফলত থিতাতে প্ৰাণ হেৰুৱালে মটৰচাইকেল আৰোহীয়ে (One dead in Road accident) ৷ মৃত যুৱকজন বিশ্বনাথ চাৰিআলি আমবাৰীৰ নাজীৰ হুছেইন (৩৮) বুলি জানিব পৰা গৈছে ৷ ঘটনা সংঘটিত হোৱাৰ কিছু সময় পিছতেই দুৰ্ঘটনা পতিত হোৱা মটৰচাইকেলখনৰ তেল টেংকি ফুটি জ্বলি ভস্মীভূত হোৱাৰ লগতে যুৱকজনৰ মৃতদেহৰ অধিকাংশ অংগ জ্বলি যায় ।