চতিয়াত প্ৰদেশ কংগ্ৰেছৰ সভাপতি ৰিপুন বৰাই নিৰ্বাচন সন্দৰ্ভত কি ক'লে ?

সাংবাদিকৰে হোৱা এক আছুতীয়া সাক্ষাৎকাৰত ৰিপুন বৰাই আগন্তুক নিৰ্বাচন সন্দৰ্ভত কেতবোৰ গুৰুত্বপূৰ্ণ মন্তব্য কৰে ৷ বিজেপিক বদন আখ্যা ৰিপুন বৰাৰ

চতিয়া,3এপ্ৰিলঃচতিয়াত সাংবাদিকৰে হোৱা সাক্ষাৎকাৰত বিজেপিক কটাক্ষ ৰিপুন বৰাৰ ৷ তেজপুৰ লোকসভা সমষ্টিৰ কংগ্ৰেছ প্ৰাৰ্থী ভানুক অশালীন মন্তব্য কৰা পল্লৱ লোচন দাসকো কটাক্ষ ৰিপুন বৰাৰ ৷ অৱসৰ লোৱা ভানুক যদি বুঢ়া গৰুৰ লগত ৰিজাই তেনেহ'লে মোদী অথবা লাল কৃষ্ণ আদৱানীক কিহৰ লগত আখ্যা দিব বুলি পল্লৱ লোচনক প্ৰশ্ন ৰিপুন বৰাৰ ৷ আনহাতে কংগ্ৰেছ আৰু এ আই ইউ ডি এফৰ বুজাবুজিৰ বাবে মূলসুঁতিৰ ভোট বিজেপিয়ে লাভ কৰিব বুলি মুখ্যমন্ত্ৰী সোণোৱালে কৰা মন্তব্য সম্পৰ্কত ৰিপুন বৰাই কয় যে এ আই ইউ ডি এফ বিজেপিৰ হে বি টীম ৷

মূলসুঁতিৰ ভোট কেতিয়াও বিভাজন নহয় বৰঞ্চ বিজেপিয়ে বিধেয়ক গৃহীত কৰি অসমলৈ বাংলাদেশী মুছলমান আনিব বিচৰাত এতিয়া সকলোৱে বিজেপি দলক বদন আখ্যা দিছে ৷ আগন্তুক লোকসভা নিৰ্বাচনত কংগ্ৰেছে 8 খন আসন পোৱাটো নিশ্চিত যদিও সময়ত এখন বা দুখন আসন বৃদ্ধি হোৱাৰ কথা উল্লেখ কৰে প্ৰদেশ কংগ্ৰেছৰ সভাপতি ৰিপুন বৰাই ৷