বিশ্বনাথ, 20 জুনঃ আগন্তুক বিধানসভা নিৰ্বাচনলৈ সাজু হৈছে ৰাজনৈতিক দলসমূহ ৷ সাজু হৈছে কংগ্ৰছ দলো ৷ আগন্তুক নিৰ্বাচন আৰু বহিঃৰাজ্যৰ পৰা অসমলৈ অহা শ্ৰমিক সন্দৰ্ভত ই টিভি ভাৰতৰ সাংবাদিকৰে হোৱা এক সাক্ষাৎকাৰত ভিন্ন মন্তব্য কৰে অসম প্ৰদেশ কংগ্ৰেছ কমিটিৰ সভাপতি ৰিপুন বৰাই ৷
2021 বৰ্ষৰ নিৰ্বাচনত যিকোনো উপায়েৰে বিপেজি দলক পৰাভূত কৰিবলৈ কংগ্ৰেছ দলে বিজেপি বিৰোধী দল সমূহক লৈ আগন্তুক নিৰ্বাচনত যুঁজ দিব বুলি উল্লেখ কৰে প্ৰদেশ কংগ্ৰেছ কমিটিৰ সভাপতি গৰাকীয়ে ৷ তদুপৰি এই সাক্ষাৎকাৰত ৰিপুন বৰাই উল্লেখ কৰে যে,বিজেপি চৰকাৰ খনৰ বহিঃৰাজ্যৰ শ্ৰমিকসকলৰ প্ৰতি নাছিল কোনো ধৰণৰ দায়বদ্ধতা ৷ তেওঁলোকে অপৰিকল্পিতভাৱে ঘোষণা কৰা লক ডাউনৰ বাবে শ্ৰমিক সকলে দুৰ্ভোগ ভুগিবলগীয়া হ'ল ৷ এনেদৰে কৈ প্ৰদেশ কংগ্ৰেছৰ সভাপতি গৰাকীয়ে বৰ্তমানৰ চৰকাৰ খনক দায়িত্বজ্ঞানহীন আখ্যা দিয়ে ৷
লগতে পঢ়কঃগৰীৱ কল্যাণ যোজনাৰ পৰা অসম বাদ পৰাকলৈ প্ৰশ্ন দেৱব্ৰত শইকীয়াৰ
