বিশ্বনাথ আৰু চতিয়াত টিম ৰত্নাকৰ
বিশ্বনাথ মহাবিদ্যালয় আৰু পণ্ডিত দীনদয়াল উপাধ্যায় আদৰ্শ মহাবিদ্যালয়ত ছবিখনৰ প্ৰচাৰ চলালে টিম ৰত্নাকৰে ৷ প্ৰচাৰৰ লগতে বিশ্বনাথতে নিজৰ জন্মদিন উদযাপন কৰিলে অভিনেত্ৰী বৰষাৰাণী বিষয়াই ৷
বিশ্বনাথ,20 ছেপ্টেম্বৰঃ ৰাজ্যৰ চৌদিশে এতিয়া প্ৰচাৰ চলিছে অসমীয়া চলচ্চিত্ৰ ৰত্নাকৰৰ ৷ বিশ্বনাথৰ বিশ্বনাথ মহাবিদ্যালয় আৰু পণ্ডিত দীনদয়াল উপাধ্যায় আদৰ্শ মহাবিদ্যালয়ত প্ৰচাৰ চলালে টিম ৰত্নাকৰে ৷ অসমীয়া কথাছবি “ৰত্নাকৰ”ৰ প্ৰচাৰৰ বাবে আজি বিশ্বনাথ মহাবিদ্যালয় আৰু পণ্ডিত দীনদয়াল আদৰ্শ মহাবিদ্যালয়ত উপস্থিত হয় ছবিখনৰ পৰিচালক তথা অভিনেতা যতীন বৰা আৰু অভিনেত্ৰী বৰষা ৰাণী বিষয়া সহ ছবিখনৰ কলা-কুশলীসকল ৷ অভিনেত্ৰী বৰষাৰাণী বিষয়াৰ জন্মদিনৰ লগত সংগতি ৰাখি আজিৰ দিনটোত বিশেষভাৱে ছবিখনৰ প্ৰচাৰ চলোৱা বুলি মন্তব্য কৰ অভিনেত্ৰী বৰষাৰাণী বিষয়াই ৷ ইফালে দীনদয়াল আদৰ্শ মহাবিদ্যালয় ছাত্র ছাত্রী সকলে অভিনেত্ৰী বৰষাৰাণী জন্ম দিনৰ উপলক্ষে শুভেচ্ছা হিচাপে এটা কেক উপহাৰ দিয়ে । বিশ্বনাথতে কেক কাটি বৰষাৰাণীয়ে উদযাপন কৰে নিজৰ জন্মদিন ৷অসমীয়া ছবিৰ প্ৰিয় অভিনেতা অভিনেত্ৰী সকলক ওচৰত পাই উৎফুল্লিত হৈ পৰা দেখা গ'ল মহাবিদ্যালয় দুখনৰ খনৰ ছাত্ৰ-ছাত্ৰী সকলক । লগতে মহাবিদ্যালয়ৰ শিক্ষক শিক্ষয়িত্ৰী সকলে উষ্ম সম্বৰ্দ্ধনা জ্ঞাপন কৰে টিম ৰত্নাকৰক ।