মোনাবাৰী চাহ বাগিচাত সদৌ অসম চাহ জনজাতি সন্থাৰ প্ৰতিবাদ

মোনাবাৰী চাহ বাগিচাত সদৌ অসম চাহ জনজাতি সন্থাই প্ৰতিবাদ সাব্যস্ত কৰে ৷ বিভিন্ন দাবীত প্ৰতিবাদ সাব্যস্ত কৰে সন্থাৰ সদস্যই ৷

বিশ্বনাথ, 14 মাৰ্চ : শনিবাৰে এছিয়াৰ দ্বিতীয় সৰ্ববৃহৎ চাহ বাগিচা বিহালীৰ মোনাবাৰীত সদৌ অসম চাহ জনজাতি সন্থাৰ মোনাবাৰী চাহ বাগিচা শাখাৰ উদ্যোগত এক প্ৰতিবাদী কাৰ্যসূচী ৰূপায়ন কৰা হয় ৷ মোনাবাৰী চাহ বাগিচাৰ কলঘৰৰ সন্মুখত ছাত্ৰ সন্থাৰ সদস্যসকলে বিভিন্ন দাবীৰে পৰিৱেশ উত্তাল কৰি তোলে ৷

মোনাবাৰী চাহ বাগিচা

সদৌ অসম চাহ জনজাতি সন্থাৰ প্ৰতিবাদ

মোনাবাৰী চাহ বাগিচা

চাহ শ্ৰমিকসকলে পাবলগীয়া যথাযোগ্য মজুৰি, স্বাস্থ্যকেন্দ্ৰত ঔষধ আৰু চিকিৎসকৰ অভাৱ, শ্ৰমিকৰ আৱাসগৃহ মেৰামতি নকৰা, বিশুদ্ধ খোৱাপানী যোগান নধৰা আৰু শ্ৰমিকসকলৰ বিভিন্ন সা-সুবিধাৰ দাবীত সংগঠনৰ সদস্যসকলে প্ৰতিবাদ কৰে ৷

প্ৰতিবাদী সদস্যসকলে অভিযোগ উত্থাপন কৰি কয় যে, অসমৰ ৰাজনৈতিক দলসমূহে চাহ শ্ৰমিকসকলক ভোট বেংক হিচাপে ব্যৱহাৰ কৰি আহিছে যদিও কোনো জন প্ৰতিনিধিয়ে বৰ্তমানলৈকে শ্ৰমিকসকলকৰ অভাৱ-অভিযোগৰ বিৰুদ্ধে মাত মতা নাই ৷ লগতে তেওঁলোকে কয় যে, শ্ৰমিকসকলক দীৰ্ঘদিন ধৰি কৰি অহা শোষণক কোনো কাৰণতে সহ্য কৰা নহ'ব ৷

আৰু পঢ়ক : COVID-19 : কৰ'ণা ভাইৰাছক লৈ ব্যৱস্থা গ্ৰহণ কৰিছে উত্তৰ পূব ৰেলৱে : জনসম্পর্কৰক্ষী বিষয়া