বিশ্বনাথ, 25 ছেপ্টেম্বৰ : বৃহস্পতিবাৰে বিশ্বনাথত আম আদমি পাৰ্টীৰ সদস্যই কৃষি বিধেয়ক বাতিলৰ দাবীত প্ৰতিবাদ সাব্যস্ত কৰে । দেশত কৃষি বিধেয়ক, 2020 গৃহীত কৰি কেন্দ্ৰীয় চৰকাৰে গণতন্ত্ৰক হত্যাৰ চেষ্টা কৰিছে আৰু এই কাৰ্য কেতিয়াও গ্ৰহণ কৰা নহ'ব বুলি সকীয়নি দিয়ে প্ৰতিবাদী সদস্যসকলে ।
ৰাজনৈতিক দলটোৰ সদস্যসকলে প্ৰতিবাদৰ জৰিয়তে কেন্দ্ৰীয় চৰকাৰৰ ওচৰত দাবী জনাই শীঘ্ৰে এই বিধেয়কখন বাতিল নকৰিলে ইয়াতকৈ অধিক প্ৰতিবাদী কাৰ্যসূচী গ্ৰহণ কৰা হ'ব বুলি প্ৰকাশ কৰে । প্ৰতিবাদকাৰী দলটোয়ে মুখত ক'লা কাপোৰ পৰিধান কৰি হাতে হাতে প্লে’কাৰ্ড লৈ বিশ্বনাথ জিলা উপায়ুক্ত কাৰ্যালয়ৰ সন্মুখত মৌনভাবে প্ৰতিবাদ কৰি জিলা দণ্ডাধিকাৰীৰ জৰিয়তে দেশৰ ৰাষ্ট্ৰপতিলৈ স্মাৰক পত্ৰ প্ৰদান কৰে ।
লগতে পঢ়ক :ৰাজ্যত কৰ'ণা ভাইৰাছে প্ৰাণ ল’লে 608 গৰাকীৰ