বিশ্বনাথৰ বৰগাং বাছ আস্থানৰ পুতৌ লগা অৱস্থা

বিশ্বনাথৰ বৰগাঙৰ অসম ৰাজ্যিক পৰিৱহণ নিগমৰ বাছ আস্থানৰ কাৰ্যালয়ত দীৰ্ঘদিন ধৰি নাই কোনো কৰ্মচাৰী ৷ ফলত ভূত বাংলালৈ পৰিণত হৈছে কাৰ্যালয়টো ৷

বিশ্বনাথ, 12 ছেপ্টেম্বৰ : ৰাজ্য পৰিৱৰ্তনকামী বিজেপি চৰকাৰৰ পৰিৱৰ্তনৰ নমুনা ৷ বিশ্বনাথৰ বৰগাঙৰ অসম ৰাজ্যিক পৰিবহন নিগমৰ বাছ আস্থানৰ চৰম দুৰৱস্থা ৷ দীৰ্ঘদিন ধৰি এই বাছ আস্থানত নাই কোনো কৰ্মচাৰী । আনকি কৰ্মচাৰী গৃহতো নাই এজনো লোক তথা পৰিয়াল ৷ ফলত চাৰিওফালে হাবি জংঘলেৰে আৱৰি ধৰিছে ঠাইডোখৰ ।

উল্লেখ্য যে,ইয়াৰ পূৰ্বেও ইটিভি ভাৰত অসমত এই বাছ আস্থানৰ দুৰৱস্থা খবৰ প্ৰকাশ কৰাৰ পাচতেই অসম ৰাজ্যিক পৰিবহন নিগমৰ তৰফৰ পৰা এই কাৰ্যালয়টো চোৱা-চিতা কৰিবলৈ এজন কৰ্মচাৰী নিয়োগ কৰিছিল যদিও লক্ ডাউনৰ আৰম্ভণি পৰাই সেইগৰাকী কৰ্মচাৰীকো এই কাৰ্যালয় পৰা বিশ্বনাথ চাৰিআলিলৈ বিভাগে স্থানান্তৰ কৰা বুলি জানিব পৰা গৈছে ৷

ফলত এতিয়া ভূত বাংলালৈ পৰিণত হৈছে এই কাৰ্যালয়টো। মন কৰিবলগীয়া কথা এই যে,গৃহটি দিনক দিনে জহি খহি যোৱাত কাৰ্যালয়টোৰ ভিতৰত থকা বিভিন্ন নথিপত্ৰ সমূহো নষ্ট হোৱাৰ সম্ভাৱনা প্ৰকট হৈ উঠিছে ৷

এতিয়া প্ৰশ্ন হৈছে কেতিয়া বৃহৎ বৰগাঙৰ ৰাইজৰ সুবিধা হোৱাকৈ এই বাছ আস্থানখন পুনৰ মেৰামতি কৰি কৰ্মচাৰী নিয়োগ কৰিব পৰিবহন নিগমে সেইয়া হে পৰৱৰ্তী সময়ত হে লক্ষ্যণীয় হ’ব ৷

লগতে চাওক-বাক্সাত অব্যাহত আছে হাতী-মানুহৰ সংঘাত