তেজপুৰ, 4 চেপ্তেম্বৰঃ এন আৰ চিয়ে বিদেশী কৰিলে এজনৰ পাছত এজনকৈ স্বদেশীক ৷ বাদ পৰি নাথাকিল ভাৰতীয় বায়ু সেনা বাহিনীৰ জোৱানো ৷ বিশ্বনাথৰ ভাৰতীয় বায়ু সেনা বাহিনীৰ অৱসৰপ্ৰাপ্ত চেকেণ্ড লেফটেনেণ্ট ছবিন্দ শৰ্মাৰ পাছত তেজপুৰৰ বায়ু সেনা বাহিনীৰ অৱসৰপ্ৰাপ্ত বিষয়া অবিনাশ দেৱৰ পৰিয়ালৰ লোকৰ নাম নাহিল এন আৰ চিৰ চূড়ান্ত তালিকাত ৷ 1970 চনতে ভাৰতীয় বায়ু সেনা বাহিনীত যোগদান কৰা অৱিনাশ দেৱে 1971 চনৰ ভাৰত বাংলাদেশৰ যুদ্ধত অংশগ্ৰহণ কৰি পৰৱৰ্তী সময়ত সেনা মেডেলো লাভ কৰিছিল আৰু 1996 চনত অৱসৰ গ্ৰহণ কৰিছিল ৷ কিন্তু 2004 চনত মৃত্যু হোৱা এই জন প্ৰাক্তন বায়ু সেনা বাহিনীৰ জোৱানৰ পৰিয়ালৰ লোকৰ নাম এন আৰ চিৰ পৰা বাদ পৰাত স্বাভাৱিকতে আচম্বিত হৈ পৰিছে পৰিয়ালৰ লগতে স্থানীয় ৰাইজ ৷
এন আৰ চিয়ে বিদেশী কৰিলে নেকি এজনৰ পাছত এজনকৈ স্বদেশীক ?