বিশ্বনাথ,১৬ মাৰ্চ: বিশ্বনাথ সমষ্টিত বিজেপি প্ৰাৰ্থী প্ৰমোদ বৰঠাকুৰৰ হৈ নিৰ্বাচনী প্ৰচাৰ চলালে মন্ত্ৰী হিমন্ত বিশ্ব শৰ্মাই ৷ এই উপলক্ষে এক বাইক ৰেলীত অংশগ্ৰহণ কৰে মন্ত্ৰী শৰ্মাই ৷ বিশ্বনাথৰ কেইবাখনো গাঁৱত মন্ত্ৰী গৰাকীয়ে বাইক ৰেলী কৰাৰ পাচতে বিশ্বনাথৰ চন্দ্ৰপুৰ বাকৰিত এখন নিৰ্বাচনী সভাত অংশগ্ৰহণ কৰে ।
সভাত মন্ত্ৰী গৰাকীয়ে কয়, "মই কংগ্ৰেছ দলত ২১ বছৰ আছিলো । এশ বছৰীয়া কংগ্ৰেছ দলত মহাত্মা গান্ধী আছিল, লোকপ্ৰিয় গোপীনাথ বৰদলৈ আছিল, দেশভক্ত তৰুণৰাম ফুকন আছিল, আনকি স্বাধীনতা আন্দোলনৰ সময়ত জ্যোতিপ্ৰসাদ আগৰৱালাও আছিল । কিন্তু আজি এই কংগ্ৰেছ দলে বদৰুদ্দিন আজমলৰ বোকোচাত উঠি ল’লে বুলি মন্তব্য প্ৰকাশ কৰে হিমন্ত বিশ্ব শৰ্মাই ৷
প্ৰমোদ বৰঠাকুৰৰ হৈ নিৰ্বাচনী প্ৰচাৰ হিমন্ত বিশ্ব শৰ্মাৰ