বিশ্বনাথ,15 ফেব্ৰুৱাৰী : সোমবাৰে বিশ্বনাথ নগৰৰ সমীপৰ হোটেল লীৰ সভাকক্ষত এখন সংবাদমেল অনুষ্ঠিত কৰে কোচ-ৰাজবংশী সন্মিলনী আৰু কোচ-ৰাজবংশী ছাত্ৰ সন্থাই ৷ সংবাদমেলত আগন্তুক 26 আৰু 27 ফেব্ৰুৱাৰীত সদৌ বিশ্বনাথ জিলা কোচ ৰাজবংশী সন্মিলনী আৰু সদৌ বিশ্বনাথ জিলা কোচ-ৰাজবংশী ছাত্ৰ সন্থাৰ উদ্যোগত পালন কৰিবলগীয়া প্ৰেৰণাৰ স্তম্ভ বিশ্ব মহাবীৰ চিলাৰায়ৰ জন্ম জয়ন্তী সম্পৰ্কে আলোচনা কৰা হয় ৷
উল্লেখ্য যে, বিশ্বনাথ চাৰিআলি উচ্চতৰ মাধ্যমিক আৰু বহুমুখী বিদ্যালয়ত দুদিনীয়া বৰ্ণাঢ্য কাৰ্যসূচীৰে অনুষ্ঠিত হ’বলগীয়া এই অনুষ্ঠানৰ বাবে ইতিমধ্যে সকলো প্ৰস্তুতি সম্পূৰ্ণ হৈ উঠিছে বুলি উদ্যোক্তাসকলে জানিবলৈ দিয়ে ।