বিশ্বনাথত হেকাৰে লুটিলে গ্ৰাহকক

ৰাজ্যৰ বিভিন্ন প্ৰান্তত এতিয়া এটিএম হেকাৰৰ সন্ত্ৰাস ৷ গুৱাহাটীৰ পিচতে এইবাৰ বিশ্বনাথৰ পৰা হেকাৰে লুটিলে গ্ৰাহকৰ ধন ৷

বিশ্বনাথ চাৰিআলি, 12 চেপ্তেম্বৰঃৰাজ্যত এতিয়া সন্ত্ৰাসৰ সৃষ্টি কৰিছে একাংশ হেকাৰে, যিকোনো মূহুৰ্ততে হেকাৰে লৈ যাব পাৰে কষ্টৰে অৰ্জন কৰা সাঁচতীয়া ধন ৷ গুৱাহাটীৰ পিচত এইবাৰ বিশ্বনাথ এটিএম হেকাৰৰ সন্ত্ৰাস ৷

বিশ্বনাথৰ মহিন্দ্ৰা ফাইনেঞ্চত গাৰ্ডৰ কাম কৰা সোমেশ্বৰ হাজৰিকা নামৰ লোকজনৰ পৰা হেকাৰে লুটি নিয়ে 18 হাজাৰ টকা ৷ বিশ্বনাথ চাৰিআলিৰ বেংক অৱ ইণ্ডিয়া শাখাত একাউন্ট থকা ব্যক্তিগৰাকীৰ পৰা হেকাৰে মঙলবাৰে লুটি নিয়ে কষ্টৰে আৰ্জিত ধন ৷

প্ৰথম অৱস্থাত মঙলবাৰে পাঁচ হাজাৰকৈ পোন্ধৰ হাজাৰ টকা উলিয়াই নিয়ে ৷ বুধবাৰে এই কথা বেংক মেনেজাৰক জনাবলৈ যাঁওতে মেনেজাৰৰ সন্মুখতে পুনৰ তিনিহাজাৰ টকা লুটি নিয়ে হেকাৰে ৷ ইতিমধ্যে ঘটনা সন্দৰ্ভত ভুক্তভোগী লোকজনে বিশ্বনাথ চাৰিআলি আৰক্ষী চকীত এটা গোচৰ ৰুজু কৰিছে ৷