বিশ্বনাথ,৯ জুন:কৰ'ণাৰ সংক্ৰমণ অব্যাহত থকাৰ মাজতে এতিয়া ৰাজ্যবাসীৰ বাব আন এক চিন্তাৰ কাৰক হৈছে বানপানী । বাৰিষা অহাৰ লগে লগে ইতিমধ্যে বিভিন্ন স্থানত বানে ভয়ংকৰ ৰূপ ল'বলৈ আৰম্ভ কৰিছে । বিশ্বনাথ জিলাৰ বহু কেইখন গাঁও এতিয়া বানৰ কৱলত পৰা দেখিবলৈ পোৱা গৈছে । নৈৰ বাঢ়নি পানীয়ে ছিঙিছে কেইবাটাও মথাউৰি ।
মথাউৰি ভাঙি গহপুৰ নগৰৰ সৈতে বিচ্ছিন্ন কেইবাখনো গাঁও
জানিব পৰা মতে গহপুৰৰ বঢ়মপুৰত ব্ৰহ্মাজান নৈয়ে চাৰিটাকৈ স্থানত মথাউৰি ছিঙি নিয়াৰ ফলত বঢ়মপুৰ,কোঠাইচুক,বেকীজানকে ধৰি পাঁচখন গাঁৱৰ যোগাযোগ গহপুৰ নগৰৰ সৈতে বিচ্ছিন্ন হৈ পৰিছে । কৰ'ণা পৰিস্থিতিৰ মাজত এতিয়া এনেদৰে নগৰৰ সৈতে যোগাযোগ বিচ্ছিন্ন হৈ পৰাত চিন্তিত হৈ পৰিছে ৰাইজ । সেয়ে অতি শীঘ্ৰে গাঁওবাসীক সহায়ৰ বাবে চৰকাৰৰ ওচৰত দাবী জনাইছে ৰাইজে ।