গহপুৰত ধোঁৱা চাঙত জনস্বাস্থ্য কাৰিকৰী বিভাগৰ আঁচনি

এটুপি বিশুদ্ধ খোৱা পানীৰ বাবে হাহাকাৰ কৰিবলগীয়া হৈছে গহপুৰ মহকুমাৰ নলনীবাৰী, কেকুৰীজান, তিনিকোণীয়া আদি কেইবাখনো গাঁৱৰ ৰাইজে ৷ বিশুদ্ধ খোৱাপানীৰ অভাৱত আইৰণযুক্ত পানী সেৱন কৰি ৰাইজ বিভিন্ন চৰ্মৰোগৰ লগতে বিভিন্ন ৰোগত ভূগিবলগীয়া হৈছে ৷

বিশ্বনাথ, 23 আগষ্টঃএটুপি বিশুদ্ধ খোৱা পানীৰ বাবে হাহাকাৰ কৰিবলগীয়া হৈছে গহপুৰ মহকুমাৰ নলনীবাৰী, কেকুৰীজান, তিনিকোণীয়া আদি কেইবাখনো গাঁৱৰ ৰাইজে ৷ আঁচনিৰ নামত এখন পানীযোগান আঁচনি আছে যদিও বছৰ বছৰ ধৰি অচল অৱস্থাত আছে নলনীবাৰীৰ পানীযোগান আঁচনিখন ৷ যাৰ ফলত এতিয়া নদী আৰু পুখুৰীৰ পানী খায়েই জীৱন অতিবাহিত কৰিবলগীয়া হৈছে গাঁওবাসীয়ে ৷ বিশুদ্ধ খোৱাপানীৰ অভাৱত আইৰণযুক্ত পানী সেৱন কৰি ৰাইজ বিভিন্ন চৰ্মৰোগৰ লগতে বিভিন্ন ৰোগত ভূগিবলগীয়া হৈছে ৷

আনহাতে, আঁচনিখন কাৰ্যকৰী কৰাৰ বাবে বাৰে বাৰে গহপুৰৰ জনস্বাস্থ্য কাৰিকৰী বিভাগৰ বিষয়া কৰ্মচাৰীক আবেদন কৰাৰ পিছতো কোনো গুৰুত্ব আৰোপ কৰা নাই চৰকাৰী বিষয়া তথা জনপ্ৰতিনিধিয়ে ৷ এতিয়া প্ৰশ্ন হয় সকলো সময়তেই উন্নয়নৰ কথা কোৱা চৰকাৰখনৰ সময়তেই এইসকল লোকে এটুপি খোৱাপানীৰ বাবে প্ৰতিটো সময়তেই হাহাকাৰ কৰিবলগীয়া হৈছে ৷ ইয়ে চৰকাৰৰ প্ৰকৃত উন্নয়নৰ নমুনা দাঙি ধৰিছে ৷

লগতে পঢ়ক-ধেমাজিত জীয়াঢল নদীত সন্ধানহীন যুৱকৰ মৃতদেহ উদ্ধাৰ