বিশ্বনাথৰ উন্নয়ন খণ্ড কাৰ্যালয় চৌহদত অগ্নিকাণ্ড

সোমবাৰে বিশ্বনাথ জিলাৰ উন্নয়ন খণ্ড কাৰ্যালয় চৌহদত সংঘটিত হয় অগ্নিকাণ্ড । অগ্নিকাণ্ডৰ ফলত উন্নয়নখণ্ড চৌহদত থকা ৪০ বিঘাৰো অধিক চেগুন গছ জুইত জাহ যায় ।

বিশ্বনাথ, ৩০ মাৰ্চঃ বিশ্বনাথত অগ্নিকাণ্ড । সোমবাৰে বিশ্বনাথ জিলাৰ উন্নয়ন খণ্ড কাৰ্যালয় চৌহদত অগ্নিকাণ্ড সংঘটিত হয় ।

বিশ্বনাথৰ উন্নয়ন খণ্ড কাৰ্যালয় চৌহদত অগ্নিকাণ্ড

বিশ্বনাথৰ উন্নয়নখণ্ড চৌহদত থকা চেগুন গছৰ বাগান খনত হঠাৎ জুই দেখি হুৱা দুৱা সৃষ্টি স্থানীয়ৰ মাজত । ইফালে ততাতৈয়াকৈ স্থানীয় ৰাইজে বিশ্বনাথ অগ্নিনিৰ্বাপক বাহিনীক খবৰ দিয়াৰ পাচতে দুখনকৈ অগ্নিনিৰ্বাপক গাড়ী আহি স্থানীয় ৰাইজৰ সহযোগত জুই নুমুৱাবলৈ সক্ষম হয় । অগ্নিকাণ্ডৰ ফলত খণ্ড উন্নয়নটোৰ অধীনত থকা ৪০ বিঘাৰো অধিক চেগুন গছ জুইত জাহ যায় ।

আনহাতে, অগ্নিকাণ্ডৰ কেনেকৈ সূত্ৰপাত হয় সেয়া বৰ্তমানলৈকে জানিব পৰা নাই যদিও একাংশই সন্দেহ কৰা অনুসৰি কোনো দুষ্টলোকে চিগাৰেট খাই পেলাই দিয়াৰ ফলতে সংঘটিত হয় অগ্নিকাণ্ড । ঘটনাস্থলীত বিশ্বনাথ আৰক্ষী উপস্থিত হৈ তদন্ত আৰম্ভ কৰিছে ।