বিশ্বনাথ, 8 আগষ্টঃ চলচ্চিত্ৰ জ্বৰত আক্ৰান্ত বিশ্বনাথ চাৰিআলি চহৰ । অলিয়ে-গলিয়ে এতিয়া মাথো চলচ্চিত্ৰ মহোৎসৱৰ চৰ্চা । কিয়নো বৃহস্পতিবাৰৰ পৰা চহৰখনত আৰম্ভ হ’ব বৃহৎ চলচ্চিত্ৰ বিষয়ক কাৰ্যসূচী ৷ বিয়লি 2 বজাত আৰম্ভ হ'বলগীয়া চলচ্চিত্ৰ সমাৰোহত অংশ গ্ৰহণ কৰিব ৰাজ্যৰ সাংস্কৃতিক ক্ষেত্ৰৰ বহুকেইগৰাকী গণ্যমান্য ব্যক্তিয়ে । আন্তঃৰাষ্ট্ৰীয় খ্যাতিসম্পন্ন চলচ্চিত্ৰ নিৰ্মাতা ডাঃ সান্ত্বনা বৰদলৈয়ে অনুষ্ঠানত বিশিষ্ট অতিথিৰূপে অংশগ্ৰহণ কৰিব । বিশ্বনাথ চাৰিআলিৰ পাভৈ টকীজত অনুষ্ঠিত হ'বলগীয়া অনুষ্ঠানত উপস্থিত থাকিব যুৱ প্ৰজন্মৰ হাৰ্টথ্ৰৱ জুবিন গাৰ্গ । তাৰোপৰি যুৱ পৰিচালক অনুপম কৌশিক বৰা, সুগায়ক বিদ্যাসাগৰ আৰু ৰাজ্যৰ সাংস্কৃতিক ক্ষেত্ৰৰ আন বহুকেইগৰাকী বিশিষ্ট ব্যক্তি ।
চলচ্চিত্ৰ জ্বৰত আক্ৰান্ত বিশ্বনাথ - বিশ্বনাথ
আন্তঃৰাষ্ট্ৰীয় খ্যাতিসম্পন্ন চলচ্চিত্ৰ নিৰ্মাতা ডাঃ সান্ত্বনা বৰদলৈয়ে অনুষ্ঠানত বিশিষ্ট অতিথিৰূপে অংশগ্ৰহণ কৰিব । বিশ্বনাথ চাৰিআলিৰ পাভৈ টকীজত অনুষ্ঠিত হ'বলগীয়া অনুষ্ঠানত উপস্থিত থাকিব যুৱ প্ৰজন্মৰ হাৰ্টথ্ৰৱ জুবিন গাৰ্গ ৷
চলচ্চিত্ৰ জ্বৰত আক্ৰান্ত বিশ্বনাথ
আনহাতে, উদ্বোধনী অনুষ্ঠানৰ পাচতেই বিয়লি 4 বজাত মহোৎসৱৰ উন্মোচনী ছবি হিচাপে প্ৰদৰ্শন কৰা হ’ব ডাঃ বৰদলৈৰ বহুচৰ্চিত ছবি “মাজ ৰাতি কেতেকী” । তাৰোপৰি 9 আগষ্টত প্ৰদৰ্শন কৰা হ'ব অনুপম কৌশিক বৰাৰ জনপ্ৰিয় ছবি "বৰনদী ভটিয়ায়" ।