বিশ্বনাথ,8 মাৰ্চ : প্ৰথম পৰ্যায়ৰ নিৰ্বাচনৰ বাবে ৰাজ্যৰ অন্য প্ৰান্তৰ লেখীয়াকৈ সোমবাৰে বিশ্বনাথ আৰু বিহালী সমষ্টিতো দাখিল কৰা হৈছে মনোনয়ন পত্ৰ ৷ 76 নং বিশ্বনাথ বিধানসভা সমষ্টিত বিজেপি দলৰ প্ৰাৰ্থী প্ৰমোদ বৰঠাকুৰ আৰু 77 নং বিহালী বিধানসভা সমষ্টিৰ বিজেপিৰ প্ৰাৰ্থী ৰঞ্জিত দত্তই বিশ্বনাথৰ উপায়ুক্ত কাৰ্যালয়ত দাখিল কৰে নিজ নিজ মনোনয়ন পত্ৰ ৷
মনোনয়ন পত্ৰ দাখিল
77 নং বিহালী বিধানসভা সমষ্টিৰ প্ৰায় 15 হাজাৰৰো অধিক সমৰ্থকক লৈ বিহালী সমষ্টিৰ মনোনীত প্ৰাৰ্থী ৰঞ্জিত দত্তই বাইক আৰু গাড়ী লৈ উপস্থিত হয় কমলাকান্ত ক্ষেত্ৰত । ইফালে এই ক্ষেত্ৰত উপস্থিত হয় বিশ্বনাথৰ বিজেপিৰ মনোনীত প্ৰাৰ্থী প্ৰমোদ বৰঠাকুৰো । দুয়োগৰাকীয়ে কমলাকান্ত ক্ষেত্ৰৰ পৰা বিশাল পদযাত্ৰাৰে উপস্থিত হয় বিশ্বনাথ উপায়ুক্ত কাৰ্যালয়ত ।